Kananet 44:9 - Tennet

⁹ Ming anyak e̱e̱ti̱ imma uduc ci ddi̱ki̱ryo̱kto̱ du̱ca̱he̱ cigunnek ko̱, anyik nonno ka̱da̱k; kar naga do̱o̱k kizetta du̱cca̱k cik ddi̱ki̱ryo̱i̱t cinna.”

Kananet 44:9 Iomraidhean Croise

Kananet 31:32

Imma ming amuda i̱nna̱ e̱e̱t imma ci anyak ta̱mu̱ta̱dde̱ne̱t cigunnek, iróng atin e̱e̱ti̱ neci aruge. Okko orgene ci boor cigunnek, cin i̱nna̱ eliya ming anyak gi̱i̱ imma cunne ngatinanni; ming umuda, bite.” I̱yo̱ko̱ iróng zin da̱ Ya̱ko̱bo̱ a̱gga̱ ming ogoroza Racheli ta̱mu̱ta̱dde̱ne̱t cik baatinne.

Kananet 43:18

I̱yo̱ko̱, o̱to̱ngo̱o̱ltte̱ ol ne̱ke̱ baling ovvoye ol nogo ce̱e̱ze̱ cinne. I̱no̱n nege azi ne, “Anyahannet ol ngintu zo̱ze̱ bali o̱ro̱bi̱ya̱ balik arike nege lodet cigga̱c ke̱. Orong enne ku̱ru̱we̱t agit kar kommoget bak aanyet kizet du̱cca̱k ciginnek kar kaama zi̱gi̱re̱ cigga̱c.”

Kananet 44:10

Ize zin enne ne, “Abunna oroot, anyik ku̱tu̱gu̱ ki ming a̱du̱wa̱nnu̱ niga ko̱. Okko e̱e̱t ci amudai uduci ngatinne ko̱, okko atin enne een du̱ca̱i̱t cinanni; iróng atin ol anganyung i̱ge̱t do̱o̱k.”

Kananet 44:16

O̱bo̱de̱k zin Ju̱da̱, “Ka̱nne̱k wo̱ye̱ naga ddi̱ki̱ryo̱i̱t cinanni nya? Kogon wo̱ye̱ naga e̱le̱tti̱ kizetta ol cik abunna ku̱? I̱ye̱la̱ Ta̱mu̱ta̱dde̱n ba̱ci̱ ci du̱cca̱k cigunnek. Kizetta naga du̱cca̱k cik ddi̱ki̱ryo̱i̱t cinna, naga e̱le̱tti̱ne̱ ki e̱e̱t wanai amudai anyak uduc ke̱.”

Buk wa To̱ni̱a̱u̱ 25:11

Ming da̱ kabaca zoz imma, abarik zin iróng wo̱ye̱ ko̱ngo̱o̱le̱ daiz. Ma̱i̱je̱ ming een zoz ci anyaha ol cik e̱e̱ggi̱n Ya̱u̱d ko̱ volong, i̱llo̱i̱ e̱e̱t imma ci wo̱ye̱ okkoyya annit ngatinne̱ng. Kalayi i̱nne̱t to̱nna̱ annit kuk rok alaan ci a̱ddi̱ki̱re̱ Romi!”