Kananet 43:12 - Tennet

¹² O̱o̱tte̱ o̱ro̱bi̱ya̱ ziik lak rama, i̱mi̱rto̱i̱ o̱ro̱bi̱ya̱ balik oboda lodette ciggo̱k ke̱. Icima abaccit da̱ nege.

Kananet 43:12 Iomraidhean Croise

Kananet 42:25

Erecanek zin Yosevo ol wak a̱li̱ngli̱ng bu̱k ke̱ ke̱le̱ze̱k labi lodet cigge̱k, kar bo̱do̱k kobodehe ngenngene o̱ro̱bi̱ya̱ ciginnek lo̱do̱ cinne, kar kanycik nogo da̱i̱ne̱t cik goolu. Baling u̱tu̱gu̱zze̱ kaala ne̱ko̱ do̱o̱k ngatinne̱ng,

Kananet 42:35

Imma baling ovvo nege oog lodet cigge̱k, amuda ngenngene o̱bo̱n wainne o̱ro̱bi̱ya̱u̱. Baling icinnet nege ki be̱e̱ti̱nne̱ng obet cik o̱ro̱bi̱ya̱u̱, o̱to̱ngo̱o̱ltte̱ zin nege lo̱o̱c oroot.

Kananet 43:13

Orkorrit ki gotonnu rok e̱e̱t neci ataman.

Kananet 43:21

Imma ngati kovvo naga ki̱ye̱be̱za̱ goola, koogta lodet cigga̱k kar ngenngene kuruba o̱ro̱bi̱ya̱ ecito aave utuge ci lo̱do̱ cinne. Kanyakta zin naga i̱yo̱ko̱ ki o̱ro̱bi̱ya̱ ne̱ke̱.

Kananet 43:22

Kanyakta naga bo̱do̱k o̱ro̱bi̱ya̱ u̱gge̱ cik kovvo kutana da̱i̱ne̱t. Iróng zin naga ka̱gga̱yya̱ ngene ci arike o̱ro̱bi̱ya̱ ne̱ke̱ lodet cigga̱k.”

Roma 12:17

Ming ogonekku̱ng e̱e̱ti̱ imma i̱ge̱t zoz ci gerze, ma acacannu zo̱ze̱ ci gerze. Abarik u̱tu̱gu̱z kaal cik abunna cik acin ebere do̱o̱k een de̱de̱.

Roma 13:8

Ru̱k ngabolet cigunnek olle do̱o̱k. Ogon rezinet ki ci kanyak naga nga̱bo̱lo̱, abunna zin kirez naga ol do̱o̱k, ming irez e̱e̱ti̱ imma gooni, azunne enne lo̱ti̱nno̱k cik Ta̱mu̱ta̱dde̱no̱.

2 Ko̱ri̱nto̱ 8:21

Kazi niko eci korongnyya ku̱tu̱gu̱zza̱ kaal cik acin Manyi Ta̱mu̱ta̱dde̱n, kar ol uggak kicinnet bu̱k.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

1 Te̱se̱lo̱ni̱ka̱ 4:6

Ma orootonu ki ngaai cik ollu, ming u̱tu̱gu̱ niko, edezi atin Manyi wa a̱gga̱ no̱ngi̱tto̱n do̱o̱k ki bali ming koobteung ke̱, kar bo̱do̱k icinntu baize cinna̱ng ke̱.

1 Te̱se̱lo̱ni̱ka̱ 5:21

Abarik erenyyit no̱ngi̱tto̱n ne̱ke̱ ju̱rru̱m kar atahaltta wak abunna a̱vvu̱ Ta̱mu̱ta̱dde̱na̱.

I̱bu̱ru̱ 13:8

Iróng Ye̱su̱ Ki̱ri̱sto̱ uhu zoz cinne! Aave niko baliwaz, wazin necu kar bo̱do̱k ka̱vvu̱ udut.