Kananet 43:11 - Tennet

¹¹ Izek zin be̱e̱ti̱nne̱ng Israili nogo ne, “Ming u̱tu̱gu̱ niko la̱du̱n, u̱tu̱gu̱z zin zoz cu: Aartik kaal cik o̱rgu̱ abunna lodet cuggo̱k kar o̱o̱tte̱ abunna ming ovvo amuccu e̱e̱t neci, o̱o̱tte̱ maal cidici ki le̱te̱c, ki keen cik ongooli laala, ki kaal cik ogon ki cu̱lu̱ma̱nda̱.

Kananet 43:11 Iomraidhean Croise

Kananet 33:10

Izek zin Ya̱ko̱bo̱ nonno ne, “I̱llo̱i̱ bai ke̱! Kumuda anna zoz ci abunna ngatunne, lema muci necu ngatinanni. Eci ming kacinni ngu̱m cunne ogon ki ci kacinni ngu̱m ci Ta̱mu̱ta̱dde̱no̱, i̱yo̱ko̱ elema i̱nna̱ annit talninta.

Kananet 37:25

Baling ngen nege aavtte lo̱o̱ta̱ adak da̱i̱ne̱t, edenyca ol cik boor ci een Ismail ming a̱ri̱ya̱ naganaganyai a̱vvu̱ o̱rge̱ ci een Gilead. Odong naganaganyai ne̱ke̱ keen cik ongooli laala ki lotagonget, alucene ovvo lo̱o̱ce̱ ci Masiro.

Kananet 43:10

Ki i̱yo̱ko̱, ming iróng naga kaavtte u̱u̱mu̱c, kotozza weete lo̱o̱c neci lak rama.”

Kananet 43:14

Anyik bai Ta̱mu̱ta̱dde̱n wa anyak Komiz do̱o̱k ka̱a̱nyu̱ng deten ngati e̱e̱t neci kar atin enne ka̱a̱nyu̱ng obodai gotonnu cunno̱ng co̱de̱ ke̱ ki Benjamin bu̱k. Imma ngatinanni ming kokko anna ka̱lu̱ u̱lu̱wa̱, ka̱lu̱ zin anna de̱de̱.”

Kananet 43:15

O̱o̱tte̱ zin logoz kaal cik ovvo nege amuce ddi̱ki̱ryo̱i̱t ci Masiro ki o̱ro̱bi̱ya̱ lak rama, ki Benjamin bu̱k. I̱yi̱he̱t zin u̱lu̱cce̱ oot Masire kar ki̱ye̱lte̱k e̱le̱tti̱ cigge̱k Yosevo.

Kananet 43:25

Idimanit zin nege muci cigge̱k ming okko Yosevo a̱kku̱ wazin kenga, eci nege iziyyet ovvo nege adakce nginati.

Kananet 43:26

Baling i̱ki̱ya̱k Yosevo ce̱e̱z, aanyik zin nege nonno muci balik anyahak nege olo ke̱, kar zin ku̱lu̱lte̱ ngu̱me̱ cinne kakatek u̱zu̱ngti̱nne̱.

Lu̱ge̱z 3:8

Kalucak anna lo̱o̱c kar ki̱ki̱ya̱ keela nogo olle cik Masiro, kar kangara nogo lo̱o̱ce̱ neci kar ku̱lu̱ga̱i̱ lo̱o̱c ci abunna, a̱gu̱l nginti abbize i̱ra̱na̱ ki lete, lo̱o̱co̱we̱ cik Kanaani, Hittites, Amorites, Perizzites, Hivites ki Jebusites.

Buk wa To̱ni̱a̱u̱ 21:14

Baling iróng enne ngen aziye zoz cinna̱ng, kutungteya naga nonno do̱, kar kizetta ne, “Manyi, anyik li̱ngli̱ngo̱n cunne ku̱tu̱gu̱we̱.”