Kananet 42:34 - Tennet

³⁴ Abarik oot anyaktta gotonnu wa dici rok annit ngatu kar atin anna ka̱gga̱ iróng niga e̱e̱ggi̱nnu̱ ro̱tto̱k, abarik e̱e̱ggi̱nnu̱ ol cik abunnanu. Kar atin anna ka̱a̱nyu̱ng gotonnu labak, kar wo̱ye̱ niga i̱ri̱yo̱c lo̱o̱c ci Masiro labak.’”

Kananet 42:34 Iomraidhean Croise

Kananet 20:15

Kar Abimelechi kize ne, “Lo̱o̱c cinanni ci aave i̱nna̱ ko̱; bak ngati orong zinin cunne.”

Kananet 34:10

Abakku wo̱ye̱ niga orgene cinna̱ng; een looci cunno̱ng labak. Abait lo̱o̱ce̱ necu, ataltoi kaal ngatu, kar u̱tu̱yya̱ lo̱o̱c bu̱k.”

Kananet 34:21

Azi nege ne, “E̱e̱ggi̱n ol ne̱ke̱ gonogget cigga̱c, kanycik nogo kabaito lo̱o̱ce̱ cinna kar ku̱tu̱yyo̱i̱ kaal ngatu; anyak lo̱o̱c ci a̱ppwe̱ kize cinne̱ng. Ka̱ti̱k wo̱ye̱ naga buuwecci cigge̱k, ovvo bo̱do̱k nege a̱ti̱k cigga̱c.

Kananet 42:15

Katimannung atidic anna i̱ge̱t go̱o̱le̱ cu: Ki̱tto̱ni̱k alaan ci Masiro ming ngen aruge, iróng atin niga ungneku ngintu lo̱o̱c zee ki̱ki̱ya̱ gotonnu cunno̱ng wa dici ko̱ rok ngintu.

Kananet 42:20

Ma̱i̱je̱ ngatu ming ovvo obodanu, anyaktang la̱du̱n gotonnu wa dici ko̱, kar atin zoz cunno̱ng kidimane kubunna ci iróng atin e̱e̱ti̱ imma ngatinno̱ng a̱da̱i̱.” Elemtta zin nege zoz neci.