Kananet 42:15 - Tennet

¹⁵ Katimannung atidic anna i̱ge̱t go̱o̱le̱ cu: Ki̱tto̱ni̱k alaan ci Masiro ming ngen aruge, iróng atin niga ungneku ngintu lo̱o̱c zee ki̱ki̱ya̱ gotonnu cunno̱ng wa dici ko̱ rok ngintu.

Kananet 42:15 Iomraidhean Croise

Kananet 42:12

Izek zin Yosevo nogo ne, “I̱llo̱i̱! A̱vvu̱nnu̱ niga orootu lo̱o̱c cinna̱ng ngintik iróng ol ebek ko̱.”

Kananet 42:14

Izek zin Yosevo nogo ne, “Ki ming ku̱du̱wa̱u̱ng anna i̱ge̱t ko̱: E̱e̱ggi̱nnu̱ niga ro̱tto̱k!

Kananet 42:16

I̱tto̱ni̱t gotonoggu u̱gge̱ koot kanyakta gotonnu wa dici ko̱; ovvo uggak ngatinno̱ng irahek lagama, kar kitiman zoz cunno̱ng ming a̱du̱wa̱nnu̱ zoz ci een de̱de̱. Ming iróng niga a̱du̱wa̱nnu̱ zoz ci een de̱de̱, ki ming aruge alaani ko̱ e̱e̱ggi̱nnu̱ niga de̱de̱ ro̱tto̱k!”

Kananet 42:20

Ma̱i̱je̱ ngatu ming ovvo obodanu, anyaktang la̱du̱n gotonnu wa dici ko̱, kar atin zoz cunno̱ng kidimane kubunna ci iróng atin e̱e̱ti̱ imma ngatinno̱ng a̱da̱i̱.” Elemtta zin nege zoz neci.

Kananet 42:30

“Ozozikket manyi lo̱o̱c neci agit gerzet abarik ogonet ki ci ke̱e̱ggi̱nna̱ naga ro̱tto̱k cik kovvo koroota lo̱o̱c cinne̱ng.

Kananet 42:34

Abarik oot anyaktta gotonnu wa dici rok annit ngatu kar atin anna ka̱gga̱ iróng niga e̱e̱ggi̱nnu̱ ro̱tto̱k, abarik e̱e̱ggi̱nnu̱ ol cik abunnanu. Kar atin anna ka̱a̱nyu̱ng gotonnu labak, kar wo̱ye̱ niga i̱ri̱yo̱c lo̱o̱c ci Masiro labak.’”

Kananet 42:7

Baling icin Yosevo gotonoggi, a̱gga̱ enne nogo, ma̱i̱je̱ ngatu enne u̱tu̱gu̱ ele ki ci een enne i̱do̱ngo̱je̱ni̱t kar kozozik nogo gerzet. I̱jji̱n zin enne gotonoggi, “A̱vvu̱nnu̱ nga?” O̱bo̱dde̱k nege nonno, “Ka̱vvu̱nna̱ lo̱o̱ce̱ ci Kanaani, kovvo kutana da̱i̱ne̱t.”

Kananet 43:3

Imma Ju̱da̱ o̱bo̱de̱k baatinne a̱nne̱k ne, “Egernyiket e̱e̱ti̱ ba̱li̱ye̱ agit oroot, a̱nne̱kke̱t ne, ‘Iróng atin niga acinnu ngu̱m cinanni bo̱do̱k ming iróng niga anyahannu gotonnu cunno̱ng wa dici ko̱ bu̱k.’

Kananet 43:5

Ma̱i̱je̱ ming iróng atin i̱nna̱ i̱tto̱ni̱ nonno bu̱k, iróng zin atin naga bu̱k kovvoya, ma̱rri̱t ba̱li̱ye̱ e̱e̱ti̱ neci a̱nne̱kke̱t ne, ‘Iróng atin niga acinnu ngu̱m cinanni ming iróng niga orkorannu ki gotonnu cunno̱ng wa dici ko̱.’”

Je̱mi̱s 5:12

Gotonogga ki ngonogga tu̱we̱nta̱, ma i̱tto̱ni̱ku̱ zoz zare cik ta̱mu̱-kengo icima zare cik lo̱o̱tu̱ icima gi̱i̱ imma ci aave do̱. Ming een zoz ci elema i̱nna̱, lema, ming een zoz ci aburi i̱nna̱, tuburo, icima ettedekkung atin lo̱ki̱ko̱ i̱ge̱ta̱.