Kananet 42:13 - Tennet

¹³ Ma̱i̱je̱ nege abarizek nonno, “Ke̱e̱ggi̱nna̱ naga ba̱li̱ye̱ logoz omoto ki rama, logoz cik e̱e̱t co̱de̱, abak enne lo̱o̱ce̱ ci Kanaani. Aave gotoneti wa dici ko̱ i̱yo̱ko̱ ki be̱e̱ti̱nna̱ng, kar co̱de̱ ki̱zzi̱ ba̱li̱ye̱.”

Kananet 42:13 Iomraidhean Croise

Kananet 37:30

I̱mi̱re̱ uk rok gotonoggi kar kize ne, “Iróng do̱le̱c aave nginati! Kokko atidic anna nga i̱yo̱ko̱?”

Kananet 42:11

Ke̱e̱ggi̱nna̱ naga do̱o̱k logoz cik e̱e̱t co̱de̱. E̱e̱ggi̱n du̱cca̱ha̱ cigunnek ol cik abunna, iróng e̱e̱ggi̱n ro̱tto̱k.”

Kananet 42:12

Izek zin Yosevo nogo ne, “I̱llo̱i̱! A̱vvu̱nnu̱ niga orootu lo̱o̱c cinna̱ng ngintik iróng ol ebek ko̱.”

Kananet 42:14

Izek zin Yosevo nogo ne, “Ki ming ku̱du̱wa̱u̱ng anna i̱ge̱t ko̱: E̱e̱ggi̱nnu̱ niga ro̱tto̱k!

Kananet 42:32

Ke̱e̱ggi̱nna̱ naga ba̱li̱ye̱ logoz cik e̱e̱t co̱de̱ do̱o̱k omoto ki ram. A̱da̱k gotoneti co̱de̱, kar wa dici ko̱ aavtte ki be̱e̱ti̱nna̱ng lo̱o̱ce̱ ci een Kanaan.’

Kananet 42:36

Izek zin be̱e̱ti̱nne̱ng Ya̱ko̱bo̱ nogo ne, “Amikzenang niga annit dooli wagannik. I̱zzi̱ Yosevo to, kar bo̱do̱k Si̱mo̱ne̱ ki̱zzi̱ to, kar zin i̱yo̱ko̱ orongnyu o̱o̱tte̱ Benjamin bu̱k. Amartoya annit kaala do̱o̱k!”

Kananet 42:38

Ma̱i̱je̱ Ya̱ko̱bo̱ ize ne, “Iróng ngeranni okko orkoryyu alucenu ki i̱ge̱ta̱; a̱da̱k ba̱li̱ye̱ gotoniya, ize nonno do̱ niko ci aruge. Ming i̱ki̱ya̱k nonno gi̱i̱ ci gerze go̱o̱le̱ necu ovvoyyu niga nonno ko̱, anyahakang matiz, ovvo atin adawekang niga annit ilomi.”

Kananet 43:29

Baling okko enne odong oo kar kicin gotoni Benjamin, ngerrti yaatinne ele, i̱jji̱nno̱ ize enne ne, “Een necu gotonnu cunno̱ng wa dici ko̱, nonno bali a̱du̱wa̱kka̱ng niga zoz cinne ke̱?” Kar bo̱do̱k enne kizek nonno ne, “Anyik deten ci Ta̱mu̱ta̱dde̱no̱ ka̱vvu̱ ngatunne, ngeranni.”

Kananet 43:7

O̱bo̱dde̱k zin nege, “A̱jji̱nne̱t e̱e̱ti̱ neci agit oroot zoz cinna ki ce̱e̱z cinna do̱o̱k. A̱jji̱nne̱t azi ne, ‘Ngen be̱e̱ti̱nno̱ng aruge? Anyakku niga gotonnu imma?’ Kabarizta zin naga ji̱ne̱ne̱t cinne ko̱ labak. Ka̱gga̱yya̱ da̱ ku̱ ming okko enne azi ne, ‘Anyaktta gotonnu cunno̱ng wa dici ko̱ rok ngintu’?”

Kananet 44:20

Kar zin naga ba̱li̱ye̱ ka̱nne̱ki̱ ne, ‘Kanyakka be̱e̱ti̱nna̱ng ci anyata, ki ngerinne cidici a̱rri̱ta̱ ngati izewe enne ma̱ti̱yo̱c. A̱da̱k zin ba̱li̱ye̱ gotoniya bali a̱ddi̱ki̱re̱ ke̱, ize nonno do̱ ngati yaatinne kar bo̱do̱k baatinne kirez nonno oroot.’

Kananet 44:28

Uk co̱de̱ reena ngatinanni, kar anna kizek ne, “Adait i̱yo̱ko̱ da̱ elegje ele cinne.” Ngen zin anna bo̱do̱k kicin nonno udut.

Kananet 45:26

U̱du̱kta̱k zin be̱e̱ti̱nne̱ng izettek ne, “Ngen Yosevo aruge! Een enne e̱e̱t ci abal Masir do̱o̱k.” U̱ku̱le̱k zin Ya̱ko̱bo̱ je̱e̱n; iróng zin enne elemi zoz cinne̱ng.

Ma̱te̱yo̱ 2:16

Baling okko He̱ro̱di̱ a̱gga̱ u̱lu̱te̱t e̱re̱nno̱wa̱ ne̱ke̱ nonno niko, omoze, izek aciir ne, u̱ru̱we̱t dooli cik macik aavtte Betelema ko̱ do̱o̱k ki cik aavtte ojonun anyak e̱rki̱nya̱ ram ki dooli cikidik veelek.

Ma̱te̱yo̱ 2:18

“Kazii muluk ci u̱lu̱wa̱nu̱ o̱rge̱ ci een Ramah, a̱lu̱ ol u̱lu̱wa̱ ci a̱ppwe̱ oroot, a̱lu̱ Racheli dooli ciginnek a̱da̱i̱, kutubur rok ol wak a̱gga̱m nonno a̱zzi̱t u̱lu̱wa̱na̱ bu̱k, eci a̱da̱i̱to̱ dooli ciginnek veelek.”