Kananet 41:8 - Tennet

⁸ Imma nge̱rre̱ti̱n ci reng, a̱ma̱li̱le̱ oo cinne o̱no̱zo̱we̱ ne̱ko̱, i̱tto̱n zin enne zoz kuk ngati ngaretu ki ol cik anyak arizet Masire do̱o̱k. U̱du̱wa̱k zin alaani nogo o̱no̱zzo̱k ciginnek, ma̱i̱je̱ ngatu i̱llo̱i̱ e̱e̱t imma ci a̱du̱wa̱k nonno u̱nge̱tti̱ cik o̱no̱zzo̱k ne̱ko̱.

Kananet 41:8 Iomraidhean Croise

Kananet 40:6

Baling okko Yosevo a̱kku̱na̱k nogo nge̱rre̱ti̱n ci reng, amuda nogo do̱o̱k ming a̱ma̱li̱ltte̱ o̱o̱tti̱.

Kananet 40:8

Abariztek nege Yosevo, “Konoztewa naga do̱o̱k, i̱llo̱i̱ zin e̱e̱t imma ci kar ku̱du̱wa̱i̱t agit u̱nge̱tti̱ cik o̱no̱zzo̱k ne̱ko̱.” O̱bo̱de̱k zin Yosevo nogo, a̱nne̱k ne, “Iróng u̱nge̱tti̱ cik o̱no̱zzo̱k ne̱ke̱ a̱gga̱ Ta̱mu̱ta̱dde̱n? U̱du̱kta̱ng da̱ o̱no̱zzo̱k.”

Kananet 41:15

A̱nne̱k zin alaani Yosevo ne, “Konoze anna ba̱li̱ye̱, kar i̱llo̱i̱ zin da̱ e̱e̱t imma ci a̱du̱wa̱ u̱nge̱tti̱ cik o̱no̱zzo̱k ne̱ke̱. Abarik kiziya zoz cunne azi ne ming iziyu i̱nna̱ o̱no̱zzo̱k a̱du̱wa̱ i̱nna̱ u̱nge̱tti̱ cik o̱no̱zzo̱k ne̱ke̱ do̱o̱k.”

Kananet 41:24

U̱ku̱we̱t zin labina ne̱k e̱e̱ggi̱n lodidi ko̱ labi cik anyak o̱o̱tti̱ ju̱rru̱m ko̱. Ku̱du̱wa̱ha̱ zin anna o̱no̱zzo̱k ne̱ke̱ ngarret, i̱llo̱i̱ zin bu̱k e̱e̱t imma ci a̱du̱wa̱ka̱ u̱nge̱tti̱ cik o̱no̱zzo̱k ne̱ke̱.”

Kananet 41:7

Ovvo zin o̱o̱tti̱ cik labitot ci mordotik a̱ku̱k labitot ci anyak o̱o̱tti̱ turgerem alize ju̱rru̱m ko̱. Itinga zin bo̱do̱k alaani ungnyahe; kar zin enne ka̱gga̱ vu̱rrta̱ ming e̱e̱ggi̱n ne̱ko̱ o̱no̱zzo̱k.

Lu̱ge̱z 7:11

Utu zin alaani ci Masiro ol wak anyak arizet zoza ki ngarret cik lo̱o̱c neci do̱o̱k, kar zin olli Masiro uggak ku̱tu̱gu̱zzo̱ gi̱i̱ ci a̱vu̱la̱ doize cinne̱ng ketted ol bi̱ye̱ ki bali wa Aaroni ke̱.

Lu̱ge̱z 7:22

Ma̱i̱je̱ ngarreta cik Masiro u̱tu̱gu̱zzo̱ gi̱i̱ ci a̱vu̱la̱ bu̱k doize cinne̱ng, odok zin zinin ci alaan ci Masiro; iróng zin enne ngen aziye zoz ci Musesi ki Aaron, ki bali u̱du̱wa̱ Manyi ke̱.

Lu̱ge̱z 8:7

Ma̱i̱je̱ ngarreta cik Masiro, u̱tu̱gu̱zzo̱ bu̱k niko doize cinne̱ng, kar nyeelwana kiyokta morene do̱o̱k kibbitet lo̱o̱c ci Masiro do̱o̱k.

Lu̱ge̱z 9:11

Iróng zin ngarreta ngen abile ngu̱me̱ ci Muses eci dulanina a̱gga̱m nogo do̱o̱k ki olli Masiro.

Ma̱te̱yo̱ 2:1

Baling a̱rri̱ta̱i̱ Ye̱su̱ o̱rge̱ ci een zara Betelem lo̱o̱ce̱ ci Ju̱de̱ya̱ ke̱, i̱i̱te̱ne̱ bali Alaan He̱ro̱d a̱gga̱m ol ke̱. Imma zin i̱i̱te̱ne̱ neci, anyak da̱ ba̱li̱ye̱ e̱re̱nno̱k cik a̱vvu̱ eci je̱e̱ni̱, a̱vvu̱na̱k Jerusalem,

Buk wa To̱ni̱a̱u̱ 17:18

A̱ka̱tte̱ zin koole ci Epicurean ki Stoic wak a̱gga̱ zoz ko̱ adangto ki nonno. I̱jji̱nto̱ uggak ngatinne̱ng, “Orong e̱e̱ti̱ ci ozoz darace ko̱ kize ne?” Ovvo uggak azi ne, “Ogon ki e̱e̱ti̱ ci ozoz ta̱mu̱ta̱dde̱ne̱t cik i̱do̱ngi̱nnu̱.” A̱du̱wa̱ nege zoz necu eci Pa̱u̱lo̱ uwahek ol kaviyak cik abunna obod ki Ye̱su̱ ki ngazi daiza.

Buk wa To̱ni̱a̱u̱ 7:22

Edemezit zin nege Muses genyiz ci olli Masiro kar bo̱do̱k kanyak komiz zoza ki li̱ngli̱ngo̱na̱.

1 Ko̱ri̱nto̱ 1:19

Azi Ta̱mu̱ta̱dde̱n warage cinne ne, “Kegerezani atin anna arizet ci e̱e̱t ci diiri; kegerezani atin anna genyiz ci ol wak azi ne kegenya ko̱.”