Kananet 4:8 - Tennet

⁸ Izek zin Kaini Abel ne, “Koo da̱ kotoz ku̱ju̱ke̱t zo̱o̱.” Ma baling otozo orog reena, i̱li̱bo̱zi̱k zin Kaini Abel kar ku̱ru̱k ka̱da̱k.

Kananet 4:8 Iomraidhean Croise

Kananet 4:25

A̱ta̱gu̱zzo̱ zin bo̱do̱k Adami ki ngaa cinne, anyaho Eva kar zin ki̱ti̱rra̱ ngerinne ci akannek zar kize Seth. Azi ungec ci zar ne̱ko̱ ne, “Aanyyet Ta̱mu̱ta̱dde̱n kar karagiz Abel bali u̱ru̱k Kaini ke̱.”

Ma̱te̱yo̱ 23:35

Imma zin zo̱ze̱ necu, adakkung atin bi̱ye̱ta̱ cik ol wak abunna Ta̱mu̱ta̱dde̱no̱ balik a̱ru̱kku̱ niga ke̱, akane bi̱ye̱te̱ cik Abeli kuk rok Zakaria ngerrti Barachiah, bali u̱ru̱kttu̱ niga orgena ngati edevo Ce̱e̱z wa Ta̱mu̱ta̱dde̱no̱ ki i̱te̱le̱.

Lu̱ka̱ 11:51

akane bi̱ye̱te̱ cik Abeli ki̱ki̱ya̱ rok Zakaria, bali a̱ru̱we̱ orgene ci i̱te̱le̱ ki Ce̱e̱z wa Ta̱mu̱ta̱dde̱no̱ ke̱. De̱de̱, ka̱du̱wa̱kku̱ng anna i̱ge̱ta̱, a̱gi̱lo̱ni̱k atin zoz cu o̱o̱tti̱ cik bu̱u̱l cu do̱o̱k.

Lu̱ka̱ 22:48

ma̱i̱je̱ Ye̱su̱ i̱jji̱n nonno, “Judas, adawa i̱nna̱ Ngerrti E̱e̱to̱ ngati izawe?”

I̱bu̱ru̱ 11:4

Umuc ba̱li̱ye̱ e̱e̱ti̱ ci een Abel tu̱we̱nta̱ Ta̱mu̱ta̱dde̱n gi̱i̱ye̱ ci ommog ci gotononi Kain. Kar bo̱do̱k tu̱we̱nta̱, icin Ta̱mu̱ta̱dde̱n nonno kize e̱e̱t ci abunna. Ozoz Ta̱mu̱ta̱dde̱n ju̱rru̱m gi̱i̱ye̱ ci amuce enne nonno. Kar bo̱do̱k baling a̱da̱k Abeli nu̱nu̱n, ngen Ta̱mu̱ta̱dde̱n ozozikket zo̱ze̱ ci tu̱we̱ne̱t cinne.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.