Kananet 4:7 - Tennet

⁷ Ma wo̱ye̱ ette ming tu̱gu̱ gi̱i̱ ci abunna, atali wo̱ye̱ ette i̱nna̱ bu̱k zee tararu. Ming iróng i̱nna̱ ogoni gi̱i̱ ci abunna, abile mu̱nye̱na̱ tatuge cunne; orong kiditain, abarik abunna ming iróng i̱nna̱ anyike gool.”

Kananet 4:7 Iomraidhean Croise

Kananet 19:21

Iizek zin anjilo Lot ne, “Yo, kelemna zin zoz ci a̱jji̱nni̱ i̱nna̱ ko̱ bu̱k; iróng atin anna ka̱li̱bi̱ orog ci ozozi i̱nna̱ zoz cinne ko̱.

Kananet 3:16

Iizek zin Ta̱mu̱ta̱dde̱n ngaa ne, “Kaanyi pira ngati anyaine, a̱rri̱ta̱ atin do̱le̱c piryanzeta. Orong atin zinin cunne mac cunne udut, kar bo̱do̱k e̱e̱ti̱ ci maci kabalin udut.”

Buk wa To̱ni̱a̱u̱ 10:35

abarik elemna ol wak o̱ngo̱o̱le̱ nonno kar ku̱tu̱gu̱zzo̱ kaal cik abunna lo̱o̱co̱we̱ do̱o̱k.

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

Roma 14:18

Eci ming a̱li̱ngli̱nge̱k e̱e̱ti̱ Ki̱ri̱sto̱ go̱o̱le̱ necu, atalne atin Ta̱mu̱ta̱dde̱n kar ol bu̱k kelemtain.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 6:12

I̱yo̱ko̱ zin, ma anyikku mu̱nye̱n kutuwaung o̱o̱tti̱ ciggo̱k kar unuwet kaal cik orong zi̱nze̱tti̱ ciggo̱k.

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

Evesos 1:6

Ogon Ta̱mu̱ta̱dde̱n niko ko̱ kar kinnatit naga deten ki bunnat cinne wa a̱ddi̱ki̱re̱ bali aanyet enne agita ollin zo̱ze̱ ci Ngerinne wa irez enne ko̱.

1 Ti̱mo̱te̱yo̱ 5:4

Anyik dooli cik ngaa ci boye ki dooli cik dooli ciginnek keeltta nonno, eci ming u̱tu̱gu̱zzo̱ nege ki i̱yo̱ko̱, atalne Ta̱mu̱ta̱dde̱n zo̱ze̱ necu.

I̱bu̱ru̱ 11:4

Umuc ba̱li̱ye̱ e̱e̱ti̱ ci een Abel tu̱we̱nta̱ Ta̱mu̱ta̱dde̱n gi̱i̱ye̱ ci ommog ci gotononi Kain. Kar bo̱do̱k tu̱we̱nta̱, icin Ta̱mu̱ta̱dde̱n nonno kize e̱e̱t ci abunna. Ozoz Ta̱mu̱ta̱dde̱n ju̱rru̱m gi̱i̱ye̱ ci amuce enne nonno. Kar bo̱do̱k baling a̱da̱k Abeli nu̱nu̱n, ngen Ta̱mu̱ta̱dde̱n ozozikket zo̱ze̱ ci tu̱we̱ne̱t cinne.

Je̱mi̱s 1:15

Ming ibbitet kaala cik amin zinin ko̱ baiz cunne, aanyik zin e̱e̱t ci diiri ki̱tto̱ mu̱nye̱n, ming iddera gi̱i̱ ci gerze ko̱ baiz ci e̱e̱to̱ do̱o̱k, anyaha zin daiz.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.