Kananet 4:26 - Tennet

²⁶ Kar zin bo̱do̱k bali vu̱rrta̱ Sethi ki̱ti̱rra̱ ngerinne ci akannek zar kize Enosh. Ma̱i̱je̱ bali e̱rki̱to̱we̱ ne̱ke̱, akate e̱e̱ti̱ ci diiri ala Manyi.

Kananet 4:26 Iomraidhean Croise

Kananet 12:8

Imma zin nginati uk enne biyene o̱to̱ne̱ ci je̱e̱ni̱ o̱rge̱ ci een Bethel kar zin kidiman ti̱ti̱ cinne, aave Betheli nyigja okko Ai aave je̱e̱na̱. Eteehenyek zin enne Manyi i̱te̱le̱ kar zin kutu zare cik Manyi.

Kananet 26:25

Idiman zin I̱sa̱ko̱ i̱te̱le̱ nginati kar kala Manyi. Kar keteehenyek ti̱te̱t cigge̱k ngin neci, kar du̱cca̱ha̱ ciginnek ka̱da̱c iit nginati.

Lu̱ka̱ 3:38

een Kainani ngerrti Enoshi, okko Enoshi een ngerrti Seth, een Sethi ngerrti Adami, okko Adami een ngerrti Ta̱mu̱ta̱dde̱no̱.

Buk wa To̱ni̱a̱u̱ 11:26

Baling umuda enne nonno, anyahak zin nonno rok Antiyok. E̱de̱cca̱ Sauli ki Barnabas e̱rki̱t ngati edemez ol cik meelek ke̱le̱ci̱o̱. Akane ol Antiyokte arrak kar kutuwec nuyak zare cik een Kiristian.

Buk wa To̱ni̱a̱u̱ 2:21

Imma e̱e̱ti̱ ci awu zar cik Manyi, okko atin enne amuda ti̱ri̱ze̱ne̱t.’

Roma 10:13

Ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱ ko̱, azi ne, “Imma e̱e̱ti̱ ci awu zar cik Manyi, okko atin enne amuda ti̱ri̱ze̱ne̱t.”

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.