Kananet 4:16 - Tennet

¹⁶ U̱lu̱g zin Kaini ngati aave Manyi uk abak lo̱o̱ce̱ ci een Nod, ci aave je̱e̱ne̱ ci Edeni.

Kananet 4:16 Iomraidhean Croise

Kananet 3:8

Bali yo̱mo̱na̱ iziyyet ngaa ki mac Manyi Ta̱mu̱ta̱dde̱n ming owo ma̱na̱ orgena ngati alalne looci, u̱lu̱gu̱nyye̱t zin nege e̱le̱tti̱ keene ecito.

Kananet 4:14

Wazin necu ottoka i̱nna̱ olo kajal zee ki̱zzi̱ rok ce̱e̱z, kar kize reen ngatunne. Ming amudanna e̱e̱ti̱ imma a̱ru̱ka̱ ka̱da̱k labak.”

Kananet 4:17

A̱ta̱gu̱zzo̱ Kaini ki ngaa cinne, anyaho zin ngaa, kar zin ki̱ti̱rra̱ ngerinne ci akannek zar cik een Enok. Eteehenya zin Kaini orog ci a̱ddi̱ki̱re̱ kar zin kakatek zar wak ngerinne een Enok orog neci.

Lu̱ge̱z 20:18

Baling iziyyet ol ture ming abuwe ki ta̱mu̱ ming a̱ju̱li̱ kar kicinnet borowoc biya ta̱dde̱na̱ ming anyak bbu̱rre̱t, a̱bba̱ri̱te̱t zin nege oroot ngo̱li̱nta̱. A̱vvu̱to̱ zin reena

Jonah 1:3

Imma Jonah, ngerrti ngene, etteda gool cinne, i̱vi̱r ngati Manyi. Uk rok orog ci een Joppa kar zin kuruba i̱bo̱ ci okko o̱rge̱ ci azi zar ne Tarshish, u̱ru̱k zin enne o̱ro̱bi̱ya̱, kar zin kottod kuk.

Ma̱te̱yo̱ 18:20

Eci ming alute ol cik een rama icima i̱i̱yo̱ zo̱ze̱ ci zar cigannik, kaave anna orgene cinne̱ng.”

Lu̱ka̱ 13:26

“A̱nne̱kku̱ atin niga nonno ne, ‘Kadaktowa ba̱li̱ye̱ naga kar bo̱do̱k kuuda maam ki i̱nne̱ta̱, kar bo̱do̱k i̱nna̱ demez ol go̱o̱lo̱we̱ cik o̱ro̱gjo̱k cigga̱k.’

Kaviyak wak Abunna Ta̱mu̱ta̱dde̱no̱ eher Joni 1:10

I̱ki̱ya̱k Zoz neci lo̱o̱c ba̱li̱ye̱, eenycai looci ngatinne, ma̱i̱je̱ olli lo̱o̱tu̱ iróng a̱gga̱ nonno.

Kaviyak wak Abunna Ta̱mu̱ta̱dde̱no̱ eher Joni 1:3

Eteehenya Zoz kaal do̱o̱k, i̱llo̱i̱ gi̱i̱ imma ci eenycai ngati a̱zze̱ne̱ enne to.

1 Te̱se̱lo̱ni̱ka̱ 1:9

U̱du̱ktta̱i̱t ol do̱o̱k gool bali a̱gga̱mnyu̱ niga nogo baling i̱tto̱zzo̱ nege orog cunno̱ng, kar zin bo̱do̱k utuburtu gool ci a̱tu̱yyu̱ to̱do̱yyo̱k kar alac Ta̱mu̱ta̱dde̱n wa aruge een de̱de̱,