Kananet 39:9 - Tennet

⁹ I̱llo̱i̱ e̱e̱t imma ci ommogja annit ce̱e̱ze̱ cu. Aanya ddi̱ki̱ryo̱i̱ti̱ cinanne ka̱gga̱m kaal do̱o̱k ce̱e̱ze̱ cinne, iróng zin anna ke̱e̱ni̱ ddi̱ki̱ryo̱i̱t cunne eci i̱nna̱ e̱e̱ni̱ ngaa cinne. Kogonni wo̱ye̱ anna gi̱i̱ ci gerze ko̱ kar ku̱tu̱gu̱ mu̱nye̱n ngu̱me̱ ci Ta̱mu̱ta̱dde̱no̱?”

Kananet 39:9 Iomraidhean Croise

Kananet 13:13

Izeto zin ba̱li̱ye̱ ol cik Sodomi gerze, abaccit ba̱ci̱nno̱k cik meelek, abure Manyi bu̱k.

Kananet 20:3

Ma̱i̱je̱ Ta̱mu̱ta̱dde̱n i̱ki̱ya̱k Abimelech ba̱a̱li̱n co̱de̱ o̱no̱zo̱we̱ kar zin kizek nonno ne, “U̱tu̱gu̱ i̱nna̱ ki e̱e̱ti̱ ci a̱da̱ha̱ zo̱ze̱ ci ngaa ci uuwe i̱nna̱ ko̱; een enne ngaa ci e̱e̱to̱.”

Kananet 20:6

Izek zin Ta̱mu̱ta̱dde̱n nonno o̱no̱zo̱we̱ ne, “De̱de̱, ka̱gga̱yi̱ anna i̱nne̱ta̱, u̱tu̱gu̱ i̱nna̱ zoz necu zinine ci voori, kar anna kuzuti i̱nne̱ta̱ ngati orongi tu̱gu̱ mu̱nye̱n ngatinanni. Zoz zin ci iróng anna kaanyi i̱nne̱t u̱u̱m nonno ko̱ necu.

Kananet 20:9

Utu zin Abimelechi Aburaham ca̱a̱to̱ kar kizek ne, “Ogonikket i̱nna̱ agit nya? Ku̱tu̱gu̱we̱i̱ da̱ anna i̱nne̱t gi̱i̱ ci gerze kar i̱nna̱ nyaha annit dezo ki lo̱o̱c cinanni ko̱? U̱tu̱gu̱we̱ya̱ bai i̱nna̱ annit zoz ci iróng wo̱ye̱ ogonikan.”

Kananet 24:2

Izek enne ddi̱ki̱ryo̱i̱t ci du̱cca̱k cik ce̱e̱z cinne, e̱e̱t ci abal kaal ciginnek do̱o̱k ko̱ ne, “Du̱l da̱ keet.

Kananet 39:10

Kar ming ozozik enne Yosevo odohize, utubur zin Yosevo zoz ci oronge enne ungnyak ki nonno icima aave ojonun ki nonno.

Kananet 41:40

Abunna i̱nna̱ ming e̱e̱ni̱ ddi̱ki̱ryo̱i̱t ci ce̱e̱z cinanni, anyik ol cigannik do̱o̱k ko̱to̱ngo̱o̱ltte̱ zoz cunne. Eci zo̱ze̱ ci ko̱ngo̱o̱li̱ne̱ naga lecer ci alaano, annit do̱ niko ci ke̱e̱ni̱ alaan ci a̱ddi̱ki̱re̱ ngatunne do̱ niko.”

Kananet 42:18

Kar i̱i̱te̱n ci een i̱i̱yo̱, a̱nne̱k zin Yosevo nogo ne, “U̱tu̱gu̱z zoz cu kar uruget, eci ke̱e̱ni̱ anna e̱e̱t ci ko̱ngo̱o̱le̱ Ta̱mu̱ta̱dde̱n:

Lu̱ge̱z 20:14

“Ma orootonu ki ngaai cik ollu.

Lu̱ka̱ 12:48

Ma̱i̱je̱ du̱ca̱i̱ti̱ ci iróng a̱gga̱ zoz ci alaan cinne, e̱de̱zze̱ atin enne idic. Imma ngati e̱e̱t ci anyozik nonno kaala cik meelek, orong atin ol kaal cik meelek ngatinne, kar e̱e̱ti̱ ci aanyik ol ka̱gga̱m kaal cik meelek, a̱jji̱n atin ol kaal cik meelek ngatinne.

1 Ko̱ri̱nto̱ 4:2

Abunna zin ol ne̱k anyonik li̱ngli̱ngo̱ni̱ ko̱, ming ogon li̱ngli̱ngo̱n ju̱rru̱m zi̱nze̱tti̱nne̱ cik alali.

Ti̱to̱ 2:10

Gerza bo̱do̱k ming ogoroz kaal cik ma̱ci̱gi̱nnu̱. Abarik abunna ming ogon kaal cik een de̱de̱, kar ol kelemtta de̱mzi̱ne̱t ci Ta̱mu̱ta̱dde̱no̱ wa een Ti̱ri̱zo̱i̱t cinna.

I̱bu̱ru̱ 13:4

Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.

1 Jon 3:9

I̱llo̱i̱ e̱e̱t imma ci een do̱le̱c ci Ta̱mu̱ta̱dde̱no̱ ci ogon mu̱nye̱n. Iróng enne uule kar ku̱tu̱gu̱ mu̱nye̱n, eci Ta̱mu̱ta̱dde̱n ci a̱rri̱ta̱ nonno.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.