Kananet 39:3 - Tennet

³ Baling icin Potiphari aave Manyi ki Yosevo kar gon keela kaale cik ogon enne do̱o̱k,

Kananet 39:3 Iomraidhean Croise

Kananet 21:20

Aave da̱ Ta̱mu̱ta̱dde̱n ki lo̱gu̱t neci baling ngen enne ingazi ke̱. Abak enne balala kar kize e̱e̱t ci anyak arizet ci adimane enne laanit ki i̱ri̱ye̱.

Kananet 21:22

Ma̱i̱je̱ wazin imma e̱rki̱to̱we̱ ne̱ke̱, izettek Abimelechi ki Phicol ddi̱ki̱ryo̱i̱t wa aciiru, Aburaham ne, “Aave Ta̱mu̱ta̱dde̱n ki i̱nne̱t kaale cik ogonni i̱nna̱ do̱o̱k.

Kananet 21:23

Du̱l zin i̱yo̱ko̱ keet ngatinanni kicin Ta̱mu̱ta̱dde̱n bu̱k, ize ne iróng atin a̱lu̱ti̱ icima dooli cigannik ki dooli cigge̱k. Abunna ming i̱ye̱le̱ka̱ bunnat ki ol cik o̱rgu̱ abahe i̱nna̱ e̱e̱ni̱ i̱do̱ngo̱je̱ni̱t ko̱, ki bali ki̱ye̱le̱i̱ anna i̱nne̱t bunnat ke̱.”

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 26:28

O̱bo̱dde̱k zin nege azi ne, “Kicinnta de̱de̱ aave Manyi ki i̱nne̱ta̱. Ki̱no̱na̱ zin korongnya ming kanyak olom ki i̱nne̱ta̱,

Kananet 30:27

Ma̱i̱je̱ Labani a̱nne̱k nonno ne, “Ming kabunna anna ngatunne, bak bai ngatu labak. Ka̱gga̱wa̱ anna ngati ka̱ru̱we̱ biyen a̱mu̱yu̱ka̱ zin Manyi zo̱ze̱ cunne.”

Kananet 30:30

Ovvo eeza balik kidik anyai i̱nna̱ ke̱ otorte oroot, kar Manyi ka̱ma̱yu̱k kaal cik kabali anna. Ma̱i̱je̱ i̱yo̱ko̱, kogonik atin anna ce̱e̱z cinanni nya?”

Kananet 39:2

Aave da̱ Manyi ki Yosevo kar enne ku̱tu̱gu̱ kaal ju̱rru̱m, kar enne ka̱vvu̱ ce̱e̱ze̱ ci ddi̱ki̱ryo̱i̱t ci Masiro.

Kananet 39:21

aave da̱ Manyi ki nonno; i̱ye̱le̱k zin enne nonno bunnat kar kanyik ddi̱ki̱ryo̱i̱t ci lagamo kirez Yosevo oroot.

Kananet 39:23

Iróng ddi̱ki̱ryo̱i̱ti̱ ci lagamo ngen edeconik li̱ngli̱ngo̱n ci Yosevo, eci Manyi aave ki Yosevo kar kaanyik nonno ku̱tu̱gu̱ kaal ciginnek ju̱rru̱m.

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

1 Ko̱ri̱nto̱ 16:2

Imma i̱i̱te̱ne̱ wa een Dominika, abunna e̱e̱ti̱ ming aarik o̱ro̱bi̱ya̱ u̱gge̱ cik agano ki nonno, kar karik abanyit kize ja̱mi̱te̱n, adaz zee ming kokko anna ka̱kku̱ni̱, karuba o̱ro̱bi̱ya̱ ne̱ko̱ ulutai, i̱llo̱i̱ o̱ro̱bi̱ya̱ u̱gge̱ bo̱do̱k cik oowanu niga.

O̱no̱zzo̱k 3:9

Imma ol wak annu zoz ci Sitano, ol wak azi ne ke̱e̱ggi̱nna̱ Ya̱u̱d, imma ngatu amire, abarik e̱e̱ggi̱n volongnyok, kanyike atin anna nogo ku̱yu̱kte̱ zoone cigunnek kar ka̱gga̱c de̱de̱ ming kirezung anna i̱ge̱ta̱.