Kananet 39:10 - Tennet

¹⁰ Kar ming ozozik enne Yosevo odohize, utubur zin Yosevo zoz ci oronge enne ungnyak ki nonno icima aave ojonun ki nonno.

Kananet 39:10 Iomraidhean Croise

Kananet 39:11

Imma i̱i̱te̱n imma, i̱tto̱ Yosevo ce̱e̱z ci ddi̱ki̱ryo̱i̱t cinne okko a̱li̱ngli̱ng li̱ngli̱ngo̱n kiwagon odohize, i̱llo̱i̱ da̱ du̱cca̱k ca̱a̱to̱.

Kananet 39:8

Ma̱i̱je̱ Yosevo abure. Izek zin enne nonno ne, “Ki i̱yo̱ko̱ ming ke̱e̱ni̱ anna ci kazunne ce̱e̱z ci manyi cinanni ko̱, aanya enne annit kicin kaal cik ce̱e̱z cinne do̱o̱k.

Kananet 39:9

I̱llo̱i̱ e̱e̱t imma ci ommogja annit ce̱e̱ze̱ cu. Aanya ddi̱ki̱ryo̱i̱ti̱ cinanne ka̱gga̱m kaal do̱o̱k ce̱e̱ze̱ cinne, iróng zin anna ke̱e̱ni̱ ddi̱ki̱ryo̱i̱t cunne eci i̱nna̱ e̱e̱ni̱ ngaa cinne. Kogonni wo̱ye̱ anna gi̱i̱ ci gerze ko̱ kar ku̱tu̱gu̱ mu̱nye̱n ngu̱me̱ ci Ta̱mu̱ta̱dde̱no̱?”

1 Ko̱ri̱nto̱ 15:33

Ma anyikku ol u̱gge̱ kalabtaung i̱ge̱ta̱, “Ovvo atin gonoggu cik gerzek, egerzannung.”

1 Ko̱ri̱nto̱ 6:18

E̱de̱yya̱ e̱le̱tti̱ baize ci a̱li̱ya̱kze̱ti̱nu̱. Imma mu̱nye̱na̱ cik ogon e̱e̱ti̱ ci diiri ko̱ do̱o̱k aavtte eliya eci re̱e̱nu̱no̱, ma̱i̱je̱ e̱e̱ti̱ icima ngaa ci een a̱li̱ya̱i̱t ogonik mu̱nye̱n ele cinne.

1 Te̱se̱lo̱ni̱ka̱ 5:22

Utuburet kaal cik gerzek ogon lo̱rye̱nti̱ ko̱ udut.

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.