Kananet 37:4 - Tennet

⁴ Baling icinnet gotonoggja irez be̱e̱ti̱nne̱ng Yosevo oroot kommog nogo do̱o̱k, amartoi zin nege nonno kar gon kozozek nonno gerzet.

Kananet 37:4 Iomraidhean Croise

Kananet 27:41

Amaroi zin I̱sa̱u̱ gotoni Ya̱ko̱bo̱ eci enne aama nonno ma̱yu̱we̱ne̱t ci aanyik baatinne nonno. A̱nne̱k zin enne ele cinne ne, “Ize ojon i̱i̱nya̱ cik ovvo naga ka̱lu̱we̱ baba; kar atin anna ku̱ru̱k gotona Ya̱ko̱bo̱ ka̱da̱k.”

Kananet 37:11

Anyait zin gotonoggja meder ngatinne, ma̱i̱je̱ baatinne anyak zoz neci zinine cinne.

Kananet 37:5

Onoze da̱ Yosevo ba̱a̱li̱n imma, kar zin ku̱du̱wa̱k gotonoggi, abarik zin amartoi nonno oroot.

Kananet 4:5

Iróng zin Ta̱mu̱ta̱dde̱n elemi baiz ci Kaini ki mucenet cinne bu̱k. Aanyik zoz necu Kain komoze zee kangarunyan ngu̱m.

Kananet 49:23

Imma mozinta, ooryi bali ol cik anyak lanit i̱nne̱ta̱; Ovoci nege i̱nne̱ta̱ mootiza.

Marko 3:25

Ming oyoho ol ce̱e̱za̱ ecito, iróng ce̱e̱z neci abile.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

1 Jon 2:11

Imma e̱e̱ti̱ ci amarine gotoni, aave enne mu̱hu̱ra̱to̱ kar koto ngati mu̱hu̱ri̱. Iróng enne a̱gga̱ nginti okkoye enne, eci mu̱hu̱ri̱ u̱bu̱ng ebere ciginnek.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 3:12

Ma ogonnu ki bali Kaini, abak baiz ci lo̱rye̱nto̱ kar ku̱ru̱k gotoni ka̱da̱k. Nya ming amuny enne gotoni ko̱? Amuny enne gotoni eci baizi cinne gerza, imma gotoniya ogon kaal cik abunna.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?