Kananet 32:11 - Tennet

¹¹ Kalaye, eelawa annita Ta̱mu̱ta̱dde̱n a̱tte̱ ci gotononna I̱sa̱u̱, eci anna ko̱ngo̱o̱le̱ okko atin enne a̱ru̱ka̱ annita, ki e̱e̱ti̱k doolinnu ki dooli cigge̱k.

Kananet 32:11 Iomraidhean Croise

Kananet 24:27

ngati aziwe ne, “Kinnati Manyi, Ta̱mu̱ta̱dde̱n ci ddi̱ki̱ryo̱i̱t cinanni Aburaham, iróng enne ungnek bunnat cinne kar kuzute zoz cinne ngati ddi̱ki̱ryo̱i̱t cinanni. Imma ngatinanni, aanya Manyi keeron rok boor ci ddi̱ki̱ryo̱i̱t cinanni.”

Kananet 27:41

Amaroi zin I̱sa̱u̱ gotoni Ya̱ko̱bo̱ eci enne aama nonno ma̱yu̱we̱ne̱t ci aanyik baatinne nonno. A̱nne̱k zin enne ele cinne ne, “Ize ojon i̱i̱nya̱ cik ovvo naga ka̱lu̱we̱ baba; kar atin anna ku̱ru̱k gotona Ya̱ko̱bo̱ ka̱da̱k.”

Kananet 27:42

Baling u̱du̱kta̱k ol Rebekah zoz ci a̱du̱wa̱ ngerinne wa a̱ddi̱ki̱re̱ ko̱, utu zin enne Ya̱ko̱bo̱ ngerinne wa dici ko̱ kar kizek nonno ne, “Alalizan gotonnu I̱sa̱u̱ zinin cinne zo̱ze̱ ci atin okko enne amunyi i̱nne̱ta̱.

Kananet 32:3

I̱tto̱ni̱k zin Ya̱ko̱bo̱ du̱cca̱k ciginnek koot oowa ngati gotononi I̱sa̱u̱ lo̱o̱ce̱ ci Seiri, nginti een zara Edom.

Kananet 32:7

Okko zin ngati o̱ngo̱o̱li̱nne̱ Ya̱ko̱bo̱ zoz ci I̱sa̱u̱ oroot, enger zin enne ol balik orkora ki nonno ke̱ lak rama, enger kaal do̱o̱k rok naganaganya.

Kananet 33:4

I̱vi̱ra̱ zin I̱sa̱u̱ ki̱ki̱ya̱ kurumek Ya̱ko̱bo̱ gool kar zin kizza nonno; a̱gga̱m zin nonno azzine do̱o̱k kar kizza. Kar nege do̱o̱k ku̱tu̱lu̱zzo̱.

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’