Kananet 3:17 - Tennet

¹⁷ Iizek zin Ta̱mu̱ta̱dde̱n Adam ne, “Eci i̱nna̱ elemu zoz ci ngaa cunne, adau zin o̱ya̱u̱ cik keet bali ka̱nne̱ki̱ ne, ‘Ma adai ke̱,’ “Kotori zin todowa zo̱ze̱ cunne; amuda atigon i̱nna̱ da̱i̱ne̱t cigunnek piryanzeta ngati eeve lo̱o̱c baize cunne do̱o̱k.

Kananet 3:17 Iomraidhean Croise

Kananet 3:11

I̱jji̱n zin Ta̱mu̱ta̱dde̱n Adam, a̱nne̱k ne, “Ngene ci a̱du̱wa̱ki̱ azi ne aave i̱nna̱ nga̱dhi̱ri̱r? Adau i̱nna̱ o̱ya̱u̱ cik keet bali ka̱nne̱ki̱ anna ne ma adai ke̱?”

Kananet 3:18

Alina atin da̱i̱ne̱t cigunnek ki biila nga̱to̱de̱, kar dak atin kaal cik alina ma̱ne̱ cunne.

Kananet 3:6

Baling icin ngaa o̱ya̱u̱ cik keet neci ming agano ki da̱i̱ne̱t, kar bo̱do̱k kaanyik ol genyiz, uduca u̱gge̱ adaha, idima u̱gge̱ uk aanyik e̱e̱t cinne, adak zin enne bu̱k.

Kananet 5:29

kar zin kakatek zar cik een Nowa, kar kize ne “Anyahakket atin do̱le̱c cu ti̱ri̱ze̱ne̱t ki u̱yu̱bi̱ ngati ka̱li̱ngli̱nge̱ todowai balik otor Manyi Ta̱mu̱ta̱dde̱n ke̱.”

Kananet 8:21

Ocowa Manyi gi̱i̱ ci ongooli laala kar zin kizek zinin ne, “Iróng bo̱do̱k ngen kotori lo̱o̱c zo̱ze̱ ci obod ki e̱e̱t ci diiri udut, ming nu̱nu̱n i̱no̱n enne zinina kaal cik gerzek nginti meer bali kenycane nonno ngati enne ngen idica ke̱. Iróng bo̱do̱k kadita kaal cik aruge do̱o̱k ki baling ku̱tu̱gu̱ ke̱.”

Ma̱te̱yo̱ 22:12

I̱jji̱n zin alaani nonno, ‘Goona, i̱i̱zo̱ i̱nna̱ ngintu ku̱ ming iróng aimi ru̱u̱ma̱ni̱ cik rucentak ko̱?’ Adal zin nonno zoz, iróng ngen abarizek alaan.

Ma̱te̱yo̱ 25:45

“Kar atin enne kobodek nogo, azi ne, ‘Ka̱du̱wa̱kku̱ng zoz ci een de̱de̱, ming aburnnu niga iróng eelannu gotonogga ki ngonogga cik iróng ol edeconik ko̱, aburnnu niga iróng eelannang annita.’

Lu̱ka̱ 19:22

“Abarizek zin alaani cinne nonno, ‘Kettediki atin anna i̱nne̱t lo̱ki̱ko̱ zo̱ze̱ ci a̱du̱wa̱ i̱nna̱, e̱e̱ni̱ i̱nna̱ du̱ca̱i̱t ci mu̱nye̱nu̱! A̱gga̱ i̱nna̱ ming ke̱e̱ni̱ anna e̱e̱t ci kokkomi kak, kokkoye kaal cik ngen karik cigannik, kar ketteda kaal cik ngen anna keevu.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

I̱bu̱ru̱ 6:8

Imma ol cik ogon ki looci ci anyak biila kar kize do̱ro̱ngo̱t, iróng a̱bbi̱re̱, otor Ta̱mu̱ta̱dde̱n lo̱o̱c neci. Imma vu̱rrta̱ atuz atin ol biila ne̱ke̱.