Kananet 28:4 - Tennet

⁴ Aanyi atin Ta̱mu̱ta̱dde̱n eezet ki dooli cik dooli cigunnek ki bali ming a̱mu̱yu̱k enne Aburaham ke̱. Aanyi atin bo̱do̱k Ta̱mu̱ta̱dde̱n lo̱o̱c ci abahe ki i̱yo̱ko̱ i̱do̱ngi̱ ko̱, ki bali aanyik enne Aburaham ke̱.”

Kananet 28:4 Iomraidhean Croise

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 15:8

Abarik Aburami ize ne, “Manyi wa abal kaal do̱o̱k, ka̱gga̱ atin anna ku̱ okko looci cu een cinanni?”

Kananet 27:33

A̱bba̱ri̱t zin zinin ci I̱sa̱ko̱ oroot ngati aburne nong, kar kize ne, “Ngene wanai ci anyahaka i̱di̱ng ke̱? Kadaha wanai da̱i̱ne̱t u̱gge̱ ming ngen i̱nna̱ i̱jja̱, kar anna ku̱mu̱yu̱k nonno, u̱mu̱yu̱we̱ zin enne de̱de̱.”

Kananet 37:1

Abak Ya̱ko̱bo̱ lo̱o̱ce̱ ci een Kanaan bali abahe baatinne ke̱.

Lu̱ge̱z 6:4

Kar anna bo̱do̱k kidiman olom ki nogo kar kanyik nogo lo̱o̱c ci Kanaani, bali abahe nege kizeto i̱do̱ngi̱.

Ga̱la̱ti̱a̱ 3:14

Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.

Ga̱la̱ti̱a̱ 3:8

Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.