Kananet 28:3 - Tennet

³ Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 28:3 Iomraidhean Croise

Kananet 1:28

U̱mu̱yu̱k Ta̱mu̱ta̱dde̱n nogo kar kizek ne, “I̱ti̱rre̱t ibbizitanit lo̱o̱c do̱o̱k, abalit kaal cik abak nyatapare ci a̱ddi̱ki̱re̱ ki iballi ki elegje cik abak lo̱o̱ta̱ do̱o̱k.”

Kananet 13:16

Kanyik atin anna dooli cigunnek kotorte kizeto meele giir kiwagon azac, kar zin ming ikeb e̱e̱ti̱ imma azac, ikebje wo̱ye̱ dooli cik dooli cigunnek bu̱k.

Kananet 17:20

Kar ngati Ismaili, kiziya anna zoz cunne: Ka̱mu̱yu̱i̱ atin anna nonno de̱de̱; kanyik atin anna ki̱ti̱r kanyak dooli cik meelek. Okko atin enne een be̱e̱ti̱ alaat cik e̱e̱ggi̱n omoto ki rama, kanyik atin dooli cik dooli ciginnek kokkomit kak.

Kananet 24:60

Kar ku̱mu̱yu̱we̱t Rebekah kar kizettek ne, “Ngoonet, anyik ce̱e̱z cunne kotore kizeto i̱bbo̱nge̱t ki i̱bbo̱nge̱t; anyik bai dooli cigunnek kaamta tatuget cik mo̱ddo̱ cigge̱k.”

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 26:4

Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 27:33

A̱bba̱ri̱t zin zinin ci I̱sa̱ko̱ oroot ngati aburne nong, kar kize ne, “Ngene wanai ci anyahaka i̱di̱ng ke̱? Kadaha wanai da̱i̱ne̱t u̱gge̱ ming ngen i̱nna̱ i̱jja̱, kar anna ku̱mu̱yu̱k nonno, u̱mu̱yu̱we̱ zin enne de̱de̱.”

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 41:52

Akatek zin Yosevo ngerinne wa annu a̱bu̱ ko̱ kize Ephraim, eci azi ne, “Aanya meer bo̱do̱k Ta̱mu̱ta̱dde̱n ki̱ti̱rra̱ dooli lo̱o̱ce̱ ci kanyahe anna piryanzet ko̱.”

Kananet 43:14

Anyik bai Ta̱mu̱ta̱dde̱n wa anyak Komiz do̱o̱k ka̱a̱nyu̱ng deten ngati e̱e̱t neci kar atin enne ka̱a̱nyu̱ng obodai gotonnu cunno̱ng co̱de̱ ke̱ ki Benjamin bu̱k. Imma ngatinanni ming kokko anna ka̱lu̱ u̱lu̱wa̱, ka̱lu̱ zin anna de̱de̱.”

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Kananet 48:4

kar zin kizeya ne, ‘Kokko atin anna kaanyi ize bo̱to̱ro̱c ci anyai kaal ki dooli cik meelek. Kaanyi i̱nne̱t ize zu̱we̱ ci a̱ppwe̱, kar anna kanyik lo̱o̱c cu dooli cik dooli cigunnek kize cinne̱ng udut.’”

Kananet 49:25

eci zo̱ze̱ ci Ta̱mu̱ta̱dde̱n ci baatunne, ci eelanni i̱nne̱ta̱, eci zo̱ze̱ ci Manyi wa anyak Komiz do̱o̱k, nonno ci a̱mu̱yu̱ki̱ ma̱yu̱we̱nte̱ ci a̱kku̱ ta̱mu̱-kenga, ki ma̱yu̱we̱ne̱t ci aave lo̱o̱ta̱ ecito, ki ma̱yu̱we̱ne̱t ci eezit ki momu.

Kananet 9:1

U̱mu̱yu̱k zin Ta̱mu̱ta̱dde̱n Nowa ki logoz ciginnek a̱nne̱k ne, “I̱ti̱rre̱t kar otorta e̱le̱tti̱ kar ibbizitanit lo̱o̱c.

Lu̱ge̱z 1:7

Imma olli Israilo i̱ti̱rre̱t da̱ Masire oroot kar zin kabaito lo̱o̱ce̱ neci do̱o̱k.

Lu̱ge̱z 6:3

Ki̱ye̱le̱ya̱ anna ba̱li̱ye̱ ele Aburaham, ki I̱sa̱ko̱ ki Ya̱ko̱bo̱, ke̱e̱ni̱ Ta̱mu̱ta̱dde̱n wa anyak Komiz do̱o̱k, ma̱i̱je̱ zara cigannik een Manyi. Ngen anna ku̱du̱wa̱k nogo zar cigannik.

2 Ko̱ri̱nto̱ 6:18

Kiize anna be̱e̱ti̱nno̱ng, kar zin niga e̱e̱ggi̱nnu̱ atin dooli cigannik, ka̱du̱wa̱ anna Manyi Ta̱mu̱ta̱dde̱n wa anyak Komiz do̱o̱k.”

O̱no̱zzo̱k 21:22

Ngen anna kicin Ce̱e̱z wa Ta̱mu̱ta̱dde̱no̱ orgato, ma̱rri̱t Manyi Ta̱mu̱ta̱dde̱n wa anyak Komiz do̱o̱k ki Nyoon nogo cik e̱e̱ggi̱n Ce̱e̱z wa Ta̱mu̱ta̱dde̱no̱.

Buk ci ozoz zoz ci ngaa ci een Ruz 2:4

Imma do̱yo̱i̱t niko i̱ki̱ya̱ Boazi Betelema kar kiza ol cik etted labi ko̱ do̱o̱k, a̱nne̱k ne, “Anyik Manyi Ta̱mu̱ta̱dde̱n ka̱mu̱yu̱ng!” O̱bo̱dde̱k zin nege, “Anyik Manyi ka̱ma̱yu̱i̱ i̱nne̱t bu̱k!”