Kananet 28:2 - Tennet

² Abarik bit lak co̱de̱ lo̱o̱ce̱ ci Paddan Aram, ce̱e̱ze̱ ci Bethuweli be̱e̱ti̱ yaatunne. Ti̱k ngaa cunne nginati, doolinne cik malotunne Labani.

Kananet 28:2 Iomraidhean Croise

Kananet 24:10

Atahala zin du̱ca̱i̱ti̱ naganaget omoto ngati kaal cik ddi̱ki̱ryo̱i̱t cinne kar zin kuk, uwe kaal wak abunna do̱o̱k gon ddi̱ki̱ryo̱i̱t cinne. Okko enne go̱o̱le̱ ci Aram Naharaim kar kuk o̱rge̱ wa a̱ddi̱ki̱re̱ aave Nahori.

Kananet 24:29

Anyak da̱ Rebekah gotoni ci een zara Laban, kar kitinga ki̱vi̱r kuk rok du̱ca̱i̱t ci Aburahami iitawa.

Kananet 24:4

abarik bit o̱rge̱ cinanni rok boor cinanni kar anyik ngaa ngeranni I̱sa̱ko̱ nginati.”

Kananet 24:50

O̱bo̱dde̱k zin Labani ki baatinne Bethuwel du̱ca̱i̱t ci Aburahami izettek ne, “A̱kku̱ zoz necu ngati Manyi; i̱llo̱i̱ zoz imma ci ka̱du̱wa̱ki̱ naga zo̱ze̱ necu.

Kananet 25:20

een e̱rki̱nya̱ cik I̱sa̱ko̱ moten we̱c baling a̱ti̱k enne Rebekah buweenyi Bethuweli, ci Aramean lo̱o̱ce̱ ci een Paddan Aram, een Rebekah ngooni Laban.

Kananet 28:5

I̱tto̱n zin I̱sa̱ko̱ Ya̱ko̱bo̱ kuk rok Paddan Aram kuk ka̱vvu̱to̱ ki malotinne Laban, ngerrti Bethuweli wa een olli Aramean, gotoni Rebekah, e̱e̱ti̱ Ya̱ko̱bo̱ ki I̱sa̱u̱.

Kananet 29:1

Akate zin Ya̱ko̱bo̱ eroni cinne kar kuzuca lo̱o̱c ci olli je̱e̱ni̱.

Kananet 31:18

kar enne kingid kaal ciginnek do̱o̱k koot oowe cinne, ki i̱jjo̱ balik aruba enne Paddan Arama, okko ngati baatinne I̱sa̱ko̱ lo̱o̱ce̱ ci Kanaani.

Kananet 32:10

Iróng wo̱ye̱ kaganona ki bunnat ki zoz ci azunne i̱nna̱ i̱ye̱le̱k du̱ca̱i̱t cunne. Kanyai ba̱li̱ye̱ ki̱ri̱ ci komtine baling ngen kettedi moro ci een zara Jordan. Imma i̱yo̱ko̱ kanyai koolen ram cik ollu ki kaal.

Kananet 33:18

Baling i̱ki̱ya̱ Ya̱ko̱bo̱ Paddan Arama, arawa zin enne orog ci een Shechem labak, lo̱o̱ce̱ ci Kanaani kar zin ka̱vvu̱ orog abanyca.

Kananet 35:9

Baling oboda Ya̱ko̱bo̱ Paddan Arama, i̱ye̱le̱k zin Ta̱mu̱ta̱dde̱n nonno ele cinne bo̱do̱k kar ka̱mu̱yu̱k nonno.

Kananet 46:15

E̱e̱ggi̱n ne̱ko̱ dooli balik a̱rri̱ta̱k ngaa ci een Le̱ya̱ Ya̱ko̱bo̱ lo̱o̱ce̱ ci een Paddan Aram, kar bo̱do̱k ki̱ti̱rra̱ buweenyinne co̱de̱ een zara Di̱na̱. E̱e̱ggi̱n logoz ki dooli cik nga̱a̱ye̱k do̱o̱k moten i̱i̱yo̱ ki i̱i̱yo̱.