Kananet 26:7 - Tennet

⁷ Baling I̱jji̱nne̱t ol cik orog neci nonno zoz ci ngaa cinne, izek enne nogo ne, “Een enne ngoona,” eci enne o̱ngo̱o̱le̱ kize ne, “Een enne ngaa cinanni.” I̱no̱n enne azi ne, “Ovvo wo̱ye̱ atin ol cik orog necu a̱ru̱ka̱ annita ka̱da̱k zo̱ze̱ ci Rebekah, eci enne a̱zi̱ze̱.”

Kananet 26:7 Iomraidhean Croise

Kananet 12:11

Baling ize enne ojon ngati i̱zzo̱we̱ Masir, izek zin enne ngaa cinne Sarai ne, “Ka̱gga̱ ming e̱e̱ni̱ i̱nna̱ ngaa ci a̱zi̱zi̱ oroot.

Kananet 12:13

Ming a̱jji̱nni̱ nege du̱wa̱k nogo izek ne e̱e̱ni̱ i̱nna̱ ngoona, kar atin nege ki̱ti̱ri̱ztta̱ annita ju̱rru̱m zo̱ze̱ cunne, kar anna kurugo.”

Kananet 12:15

Baling ovvo ol wak a̱li̱ngli̱ng ki alaan ci Masiro acin ngaa neci, u̱du̱kta̱k zin zoz cinne alaan, kar zin ol ko̱o̱tte̱ nonno ce̱e̱ze̱ ci alaano.

Kananet 20:11

O̱bo̱de̱k zin Aburahami nonno, “Ka̱nne̱k anna ele cinanni, ‘I̱llo̱i̱ de̱de̱ ngo̱li̱ne̱t ci Ta̱mu̱ta̱dde̱no̱ ngatu, kar atin nege ku̱ru̱kta̱ annit zo̱ze̱ ci ngaa cinanni.’

Kananet 20:2

kar nginati ozoz Aburahami zoz ci ngaa cinne Sarah azi ne, “Een enne Sarah ngoona.” Kar zin Abimelech alaani ci Gerari ki̱tto̱na̱ ol kanyaktak nonno Sarah kar zin ko̱o̱tte̱ nonno.

Kananet 20:5

Ngen enne kizeya annit ne, ‘Een enne ngooni,’ ngen bo̱do̱k Sarah bu̱k kizeya annit ne, ‘Een enne gotona’? Ku̱tu̱gu̱ anna zoz necu zinine ci abunna ki azzin cik caalek.”

Kananet 24:16

A̱zi̱ze̱ da̱ buuwecci neci oroot, ngen e̱e̱ti̱ imma ka̱ta̱gu̱zzo̱ ki nonno udut. I̱tto̱ zin enne iit, kelezek maam í̱jjó̱ cinne kar kottoda ta̱dde̱n bo̱do̱k.

Kananet 26:6

Abak zin I̱sa̱ko̱ o̱rge̱ ci een Gerar.

Kananet 26:8

Baling abak I̱sa̱ko̱ nginati u̱u̱mu̱c, edeva zin Abimelechi alaani ci olli Philistines lopildinga kar kicin I̱sa̱ko̱ ming amice ki Rebekah.

Kananet 29:17

Iróng da̱ ebere cik Le̱ya̱ acine ju̱rru̱m, imma ngooniya cidici een Rachel ko̱ a̱zi̱ze̱, alina da̱ oroot.

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Evesos 5:25

Abunna e̱e̱ti̱ ci maci ming irez ngaa cinne ki i̱yo̱ko̱ ming irez Ki̱ri̱sto̱ ol wak a̱tu̱we̱ kar kanyik ele cinne kize wawac zo̱ze̱ cinne̱ng.

Kolosiya 3:9

Ma ovolongnyu e̱le̱tti̱ ciggo̱k, eci utungttu niga baiz bali reeni ke̱ ki kaal ciginnek do̱o̱k.