Kananet 26:4 - Tennet

⁴ Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 26:4 Iomraidhean Croise

Kananet 13:16

Kanyik atin anna dooli cigunnek kotorte kizeto meele giir kiwagon azac, kar zin ming ikeb e̱e̱ti̱ imma azac, ikebje wo̱ye̱ dooli cik dooli cigunnek bu̱k.

Kananet 15:18

Kar i̱i̱te̱n neci, idiman Manyi olom ki Aburam kar kize ne, “Kanyike anna dooli cik dooli cigunnek lo̱o̱c cu, akane liile ci Masiro kuk rok liil ci a̱ddi̱ki̱re̱, een Yuvurataz,

Kananet 15:5

Uwe zin enne nonno reena kar kize ne, “Cin ta̱dde̱n ta̱mu̱-keng kar zin ikeb munyuny, ming wo̱ye̱ ikebi nogo de̱de̱.” Kar enne kizek nonno ne, “I̱yo̱ko̱ zin, ovvo atin dooli cigunnek e̱e̱ggi̱n niko.”

Kananet 18:18

Ovvo atin dooli cik Aburahami e̱e̱ggi̱n ol cik okkomi, kar i̱do̱ngi̱ do̱o̱k lo̱o̱ta̱ ngatu kurubta ma̱yu̱we̱ne̱t ngatinne.

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 35:12

Imma lo̱o̱c bali kanyike anna Aburaham ki I̱sa̱ko̱, kaanyi anna i̱nne̱t bu̱k, kanyike atin anna lo̱o̱c necu dooli cik dooli cigunnek.”

Kananet 47:27

Abaito zin olli Israilo Masire lo̱o̱ce̱ ci een Goshen. U̱tu̱yya̱ zin nege lo̱o̱cco̱k nginati kar kizeto bo̱to̱ro̱ kanyait dooli cik meelek giir.

Lu̱ge̱z 6:4

Kar anna bo̱do̱k kidiman olom ki nogo kar kanyik nogo lo̱o̱c ci Kanaani, bali abahe nege kizeto i̱do̱ngi̱.

Buk wa To̱ni̱a̱u̱ 3:25

Aragiztu zin niga zo̱zzo̱k cik a̱ri̱tto̱u̱ ki olom bali ogon Ta̱mu̱ta̱dde̱n ki ji̱ji̱ti̱ggo̱k ke̱. A̱nne̱k enne Aburaham ne, ‘Zo̱ze̱ ci dooli cigunnek amuda atin ol lo̱o̱co̱we̱ do̱o̱k ma̱yu̱we̱ne̱t.’

Ga̱la̱ti̱a̱ 3:16

U̱du̱wa̱k zin Ta̱mu̱ta̱dde̱n Aburaham ki ngerinne ma̱yu̱we̱ne̱t ci okko enne a̱ma̱yu̱we̱ nogo. Icinnet iróng Waraga ci Ta̱mu̱ta̱dde̱no̱ azi ne, “Dooli ciginnek,” abarik azi ne, “do̱le̱c cunne,” een zin do̱le̱c neci Ki̱ri̱sto̱.

Ga̱la̱ti̱a̱ 3:8

Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

I̱bu̱ru̱ 11:2

U̱mu̱dda̱ ol balik reentik baiz ci abunna eci nege anyak tu̱we̱ne̱t ci okkomi, atal zin Ta̱mu̱ta̱dde̱n nogo.