Kananet 26:25 - Tennet

²⁵ Idiman zin I̱sa̱ko̱ i̱te̱le̱ nginati kar kala Manyi. Kar keteehenyek ti̱te̱t cigge̱k ngin neci, kar du̱cca̱ha̱ ciginnek ka̱da̱c iit nginati.

Kananet 26:25 Iomraidhean Croise

Kananet 13:18

Uduca zin Aburami ti̱ti̱ cinne kar kuk ku̱lu̱k kabak keene cik a̱ddi̱ki̱re̱ lo̱o̱ce̱ ci e̱e̱t ci een zara Mamre ojongzo ki orog ci een Hebron, kar zin enne kidimanek i̱te̱le̱ Manyi.

Kananet 13:4

nginti bali eenycek enne Manyi i̱te̱le̱ arrak oowa ke̱. Kar nginati ala Aburami zar cik Manyi.

Kananet 22:9

Baling u̱zu̱cca̱ nege ngin bali a̱du̱wa̱k Ta̱mu̱ta̱dde̱n nonno zoz cinne ke̱, eteheeny zin Aburahami i̱te̱le̱ nginati kar zin ketevetek rimma cik gwo̱o̱ya̱k. A̱gga̱m zin ngerinne I̱sa̱ko̱ kar keceb, kar zin kabahek rimma ne̱ke̱.

Kananet 26:32

Imma i̱i̱te̱n neci ele, i̱vi̱ta̱ zin du̱cca̱ha̱ cik I̱sa̱ko̱ u̱du̱ktta̱k nonno zoz ci iit bali a̱da̱ nege ke̱, azi ne, “Kurubta maam!”

Kananet 33:20

Imma nginati idiman zin enne i̱te̱le̱ nginati kar kakatek zar cik een El Elohe Israilo.

Kananet 35:1

Izek zin Ta̱mu̱ta̱dde̱n Ya̱ko̱bo̱ ne, “Bit o̱rge̱ ci een Bethel kar bak nginati, kar dimanek Ta̱mu̱ta̱dde̱n i̱te̱le̱ nginati, Ta̱mu̱ta̱dde̱n bali i̱ye̱le̱ki̱ ele baling a̱vi̱ri̱ i̱nna̱ ngati gotononnu I̱sa̱u̱.”

Kananet 4:26

Kar zin bo̱do̱k bali vu̱rrta̱ Sethi ki̱ti̱rra̱ ngerinne ci akannek zar kize Enosh. Ma̱i̱je̱ bali e̱rki̱to̱we̱ ne̱ke̱, akate e̱e̱ti̱ ci diiri ala Manyi.

Kananet 8:20

Idimanek zin Nowa Manyi i̱te̱le̱ kar kalawe nonno. Idima elegje wak abunna adak ol ki iballi bu̱k, kar zin kapahek Ta̱mu̱ta̱dde̱n.

Lu̱ge̱z 17:15

Eteheeny zin Musesi i̱te̱le̱ kar kakatek zar cik azi ne aanya Manyi kommog mo̱ddo̱ cigannik.