Kananet 26:24 - Tennet

²⁴ Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 26:24 Iomraidhean Croise

Kananet 13:16

Kanyik atin anna dooli cigunnek kotorte kizeto meele giir kiwagon azac, kar zin ming ikeb e̱e̱ti̱ imma azac, ikebje wo̱ye̱ dooli cik dooli cigunnek bu̱k.

Kananet 15:1

Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Kananet 17:7

Kazunne atin anna olom cinanni ki i̱nne̱t kize ci aave udut ku̱ru̱m ci doolinnu veelek bu̱u̱llo̱k ki bu̱u̱llo̱k, ke̱e̱ni̱ Ta̱mu̱ta̱dde̱n cunne ki bu̱u̱llo̱k cik a̱vvu̱ vu̱rrta̱.

Kananet 17:8

Kaanyi atin anna i̱nne̱t lo̱o̱c ci Kanaani ci i̱yo̱ko̱ abahe i̱nna̱ ize i̱do̱ngo̱je̱ni̱t ko̱, kize cunne udut ki dooli cigunnek; ke̱e̱ni̱ atin anna Ta̱mu̱ta̱dde̱n cinne̱ng.”

Kananet 21:17

Izik zin Ta̱mu̱ta̱dde̱n do̱le̱c ming a̱lu̱, kar anjilo ci Ta̱mu̱ta̱dde̱no̱ kutu Hagar ta̱mu̱-kenga kar kizek nonno ne, “Nya ci gerze, Hagar? Ma o̱ngo̱o̱le̱ gi̱i̱ imma; izik Ta̱mu̱ta̱dde̱n do̱le̱c ming a̱lu̱, adunge nginati ke̱.

Kananet 22:17

ka̱mu̱yu̱ki̱ zin atin anna i̱nne̱t de̱de̱ kar kanyik dooli cigunnek kizeto meele ku̱tu̱gu̱zzo̱ kiwagon munyunya ta̱mu̱-kenga, kar bo̱do̱k ki i̱yo̱ko̱ azac liil ti̱ti̱ma̱. Aama atin dooli cigunnek o̱ro̱gjo̱k ngati mo̱ddo̱ cigge̱k,

Kananet 22:19

I̱mi̱ro̱zi̱k Aburahami ki I̱sa̱ko̱ du̱cca̱k waginnek ke̱, kar zin koot ki Beersheba. Kar zin Aburahami kabak Beershebakte.

Kananet 24:12

Alawo zin du̱ca̱i̱ti̱, “Oh Manyi, Ta̱mu̱ta̱dde̱n ci ddi̱ki̱ryo̱i̱t cinanni Aburaham, inya annit ku̱tu̱gu̱ ju̱rru̱m wazin necu, kar ye̱le̱k bunnat ddi̱ki̱ryo̱i̱t cinanni Aburaham.

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 28:15

Kaave anna ngatunne kar atin kuzutin odohize ngati okkoye, kanyahanni atin i̱nne̱t kobodani rok lo̱o̱c cu. Iróng atin anna kungneki lo̱o̱c ming ngen anna kedeca zoz bali ka̱du̱wa̱ki̱ ke̱.”

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 30:27

Ma̱i̱je̱ Labani a̱nne̱k nonno ne, “Ming kabunna anna ngatunne, bak bai ngatu labak. Ka̱gga̱wa̱ anna ngati ka̱ru̱we̱ biyen a̱mu̱yu̱ka̱ zin Manyi zo̱ze̱ cunne.”

Kananet 31:5

A̱nne̱k zin enne nogo ne, “Kicina anna iróng be̱e̱ti̱nno̱ng ngen ireza ki ba̱li̱ye̱, ma̱i̱je̱ Ta̱mu̱ta̱dde̱n ci baba aave ngatinanni.

Kananet 39:2

Aave da̱ Manyi ki Yosevo kar enne ku̱tu̱gu̱ kaal ju̱rru̱m, kar enne ka̱vvu̱ ce̱e̱ze̱ ci ddi̱ki̱ryo̱i̱t ci Masiro.

Kananet 39:3

Baling icin Potiphari aave Manyi ki Yosevo kar gon keela kaale cik ogon enne do̱o̱k,

Kananet 46:1

Uwe zin Israili i̱jjo̱ balik anyak enne ke̱ do̱o̱k, kar baling okko enne arawa Beersheba, apahek zin wawa Ta̱mu̱ta̱dde̱n ci baatinne I̱sa̱ko̱.

Lu̱ge̱z 14:13

O̱bo̱de̱k zin Musesi ol, a̱nne̱k ne, “Ma o̱ngo̱o̱li̱nnu̱ lo̱o̱c. Abarik acinnu atidic ti̱ri̱ze̱ne̱t ci Manyi wazin necu. Ovvo olli Masiro acinnu a̱vvu̱na̱kku̱ng ko̱, iróng atin acinnu udut.

Lu̱ge̱z 3:6

Kar zin enne kize ne, “Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.” Imma zin zo̱ze̱ necu, u̱lu̱gu̱ny Musesi ngu̱m cinne, eci enne o̱ngo̱o̱le̱ kar kicin Ta̱mu̱ta̱dde̱n.

Ma̱te̱yo̱ 22:32

‘Ke̱e̱ni̱ anna Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱’? Iróng enne een Ta̱mu̱ta̱dde̱n ci ol wak a̱da̱i̱to̱, een enne ci ol wak aruge.”

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Buk wa To̱ni̱a̱u̱ 7:32

‘Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki ci Ya̱ko̱bo̱.’ O̱to̱ngo̱o̱le̱ zin Musesi iróng ngen orong kar kicin gwo̱o̱ neci.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 13:6

Kozoz naga zoz ci ka̱gga̱ kodola een de̱de̱, azi ne, “Manyi ci eelannan, iróng anna ko̱ngo̱o̱le̱ gi̱i̱ imma ci ogonika e̱e̱ti̱ ci diiri.”

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.

Buk ci ozoz zoz ci ngaa ci een Ruz 3:11

Kar zin i̱yo̱ko̱, buweenyanni, ma o̱ngo̱o̱le̱ gi̱i̱ imma. Kogoniki atin i̱nne̱t kaal cik a̱jji̱nni̱ i̱nna̱ do̱o̱k. A̱gga̱yi̱ olli o̱rgu̱ do̱o̱k ming e̱e̱ni̱ i̱nna̱ ngaa ci abunna oroot.