Kananet 24:29 - Tennet

²⁹ Anyak da̱ Rebekah gotoni ci een zara Laban, kar kitinga ki̱vi̱r kuk rok du̱ca̱i̱t ci Aburahami iitawa.

Kananet 24:29 Iomraidhean Croise

Kananet 24:30

Baling icin enne zi̱i̱t ungece ci ngononi ki bo̱do̱k ziik cik a̱ru̱wo̱ni̱k i̱ba̱tti̱ ko̱, kar bo̱do̱k kizik zoz wa oobek Rebekah zoz ci u̱du̱wa̱k e̱e̱ti̱ neci nonno, uk zin Labani rok e̱e̱t neci kar kuruba nonno ming abile ki naganaganya iit abanyca.

Kananet 24:55

Ma̱i̱je̱ e̱e̱ti̱ Rebekah ki gotoni izeto ne, “Anyik arrak Rebekah komon ngatu i̱i̱nya̱ omoto kar zin atin oto.”

Kananet 24:60

Kar ku̱mu̱yu̱we̱t Rebekah kar kizettek ne, “Ngoonet, anyik ce̱e̱z cunne kotore kizeto i̱bbo̱nge̱t ki i̱bbo̱nge̱t; anyik bai dooli cigunnek kaamta tatuget cik mo̱ddo̱ cigge̱k.”

Kananet 25:20

een e̱rki̱nya̱ cik I̱sa̱ko̱ moten we̱c baling a̱ti̱k enne Rebekah buweenyi Bethuweli, ci Aramean lo̱o̱ce̱ ci een Paddan Aram, een Rebekah ngooni Laban.

Kananet 27:43

I̱yo̱ko̱ zin, ngeranni, tu̱gu̱ zoz ci ka̱du̱wa̱ki̱ ko̱: Lu̱g lak co̱de̱, bit ngati gotononna Laban o̱rge̱ ci een Haran.

Kananet 28:2

Abarik bit lak co̱de̱ lo̱o̱ce̱ ci Paddan Aram, ce̱e̱ze̱ ci Bethuweli be̱e̱ti̱ yaatunne. Ti̱k ngaa cunne nginati, doolinne cik malotunne Labani.

Kananet 29:13

Baling izik Labani kaviyak cik Ya̱ko̱bo̱, ngerrti ngononi, i̱vi̱ra̱ zin enne uk u̱ru̱me̱k nonno gool. Izza enne nonno oroot kar kanyahak ce̱e̱z cinne, kar nginati Ya̱ko̱bo̱ ku̱du̱wa̱k nonno zoz ci anyaha enne do̱o̱k.

Kananet 29:5

Izek enne nogo ne, “A̱gga̱yyu̱ e̱e̱t ci een zara Laban wa een ji̱ji̱ti̱ne̱ Nahor?” O̱bo̱dde̱k nege, “I̱i̱ny ka̱gga̱yya̱ nonno.”