Kananet 24:22 - Tennet

²² Baling alallit naganaganya do̱o̱k, idima du̱ca̱i̱ti̱ zi̱i̱t cidici een dhahab ci aaymek buuwecci u̱nge̱tti̱, ki i̱mmo̱nga̱ni̱ rama cik een dhahab.

Kananet 24:22 Iomraidhean Croise

Kananet 24:10

Atahala zin du̱ca̱i̱ti̱ naganaget omoto ngati kaal cik ddi̱ki̱ryo̱i̱t cinne kar zin kuk, uwe kaal wak abunna do̱o̱k gon ddi̱ki̱ryo̱i̱t cinne. Okko enne go̱o̱le̱ ci Aram Naharaim kar kuk o̱rge̱ wa a̱ddi̱ki̱re̱ aave Nahori.

Kananet 24:23

I̱jji̱n zin du̱ca̱i̱ti̱ nonno izek ne, “Ti̱na̱t, e̱e̱ni̱ i̱nna̱ buweenyi ngene? Du̱wa̱ka̱ bai ke̱, anyak ucca ngin imma ci kadungne ce̱e̱ze̱ ci baatunne ba̱a̱li̱n cu?”

Kananet 24:30

Baling icin enne zi̱i̱t ungece ci ngononi ki bo̱do̱k ziik cik a̱ru̱wo̱ni̱k i̱ba̱tti̱ ko̱, kar bo̱do̱k kizik zoz wa oobek Rebekah zoz ci u̱du̱wa̱k e̱e̱ti̱ neci nonno, uk zin Labani rok e̱e̱t neci kar kuruba nonno ming abile ki naganaganya iit abanyca.

Kananet 24:47

“Ki̱jji̱na̱ anna nonno kizeya ne, ‘E̱e̱ni̱ dim i̱nna̱ buweenyi ngene?’ “O̱bo̱de̱ka̱ zin enne, ‘Ke̱e̱ni̱ anna buweenyi Bethuweli wa een ngerrti Nahori ngaawe wa een Milcah.’ “Kariya zin anna zi̱i̱t ungec cinne ki bo̱do̱k i̱mmo̱nga̱ni̱ ram azzin,

Kananet 24:53

Uvuca zin du̱ca̱i̱ti̱ dhahab ki ziik cik ataltali gon aim ngaai ki ru̱u̱ma̱ni̱ kar kaanyik Rebekah; kar enne bo̱do̱k kaanyik kaal cik adak o̱ro̱bi̱ya̱ cik meelek amuce enne gotoni Rebekah ki yaatinne.

1 Peturu 3:3

Gerza ming a̱kku̱ zi̱zi̱wo̱ni̱ cunne eci re̱e̱nu̱no̱ kaale cik aimi i̱nna̱, ki i̱yo̱ko̱ bbuwenet otir ki alben cik een dhahab ki ru̱u̱ma̱ni̱ cik adak o̱ro̱bi̱ya̱ cik meelek.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.