Kananet 24:12 - Tennet

¹² Alawo zin du̱ca̱i̱ti̱, “Oh Manyi, Ta̱mu̱ta̱dde̱n ci ddi̱ki̱ryo̱i̱t cinanni Aburaham, inya annit ku̱tu̱gu̱ ju̱rru̱m wazin necu, kar ye̱le̱k bunnat ddi̱ki̱ryo̱i̱t cinanni Aburaham.

Kananet 24:12 Iomraidhean Croise

Kananet 15:1

Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Kananet 24:21

Atangamek du̱ca̱i̱ti̱ neci nonno li̱i̱m niko zee, kar zin ki̱no̱n ming aanyik Manyi eroni cinne kuk ju̱rru̱m.

Kananet 24:27

ngati aziwe ne, “Kinnati Manyi, Ta̱mu̱ta̱dde̱n ci ddi̱ki̱ryo̱i̱t cinanni Aburaham, iróng enne ungnek bunnat cinne kar kuzute zoz cinne ngati ddi̱ki̱ryo̱i̱t cinanni. Imma ngatinanni, aanya Manyi keeron rok boor ci ddi̱ki̱ryo̱i̱t cinanni.”

Kananet 24:42

“Baling ka̱kku̱na̱k anna ṯu̱k wazin necu, kazi ne, ‘Oh Manyi, Ta̱mu̱ta̱dde̱n wa ddi̱ki̱ryo̱i̱t cinanni Aburaham, ming elemi i̱nna̱, anyik bai eroni ci ka̱kku̱ne̱ anna ko̱ kilemnyai.

Kananet 24:48

kar anna kakatek u̱zu̱ngti̱nne̱ ku̱lu̱le̱ kala Manyi. Kinnati anna Manyi, Ta̱mu̱ta̱dde̱n wa ddi̱ki̱ryo̱i̱t cinanni Aburaham, nonno ci okkoyya annit go̱o̱le̱ ci een de̱de̱ kar kurubak alawan ngerinne ce̱e̱ze̱ ci gotoni ddi̱ki̱ryo̱i̱t cinanni.

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 27:10

Kar bite ngati baatunne kadak, kar atin enne kaanyi i̱nne̱t ma̱yu̱we̱ne̱t cinne ming ngen enne ka̱da̱k.”

Kananet 27:20

I̱jji̱n zin I̱sa̱ko̱ ngerinne, “Ngeranni, amuda i̱nna̱ e̱le̱gi̱t ataman niko ku̱?” O̱bo̱de̱k zin bo̱do̱k Ya̱ko̱bo̱ nonno, “Eelawa Manyi Ta̱mu̱ta̱dde̱n cunne.”

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 31:42

Ming iróng ngo̱li̱ne̱t ci Ta̱mu̱ta̱dde̱n ci baba, Ta̱mu̱ta̱dde̱n ci Aburahami ki ngo̱li̱ne̱t ci I̱sa̱ko̱ aave ngatinanni, ottoka wo̱ye̱ da̱ i̱nna̱ annit kuk azzine ollin. Abarik zin Ta̱mu̱ta̱dde̱n icin li̱ngli̱ngo̱n ci kapirnane anna azzine cigannik ko̱ kar bali ba̱a̱l u̱du̱wa̱i̱ Ta̱mu̱ta̱dde̱n i̱nne̱ta̱.”

Kananet 32:10

Iróng wo̱ye̱ kaganona ki bunnat ki zoz ci azunne i̱nna̱ i̱ye̱le̱k du̱ca̱i̱t cunne. Kanyai ba̱li̱ye̱ ki̱ri̱ ci komtine baling ngen kettedi moro ci een zara Jordan. Imma i̱yo̱ko̱ kanyai koolen ram cik ollu ki kaal.

Kananet 32:9

Ala zin Ya̱ko̱bo̱ Manyi, “Ta̱mu̱ta̱dde̱n ci baba Aburaham ki ci baba I̱sa̱ko̱, Manyi bai, ngene ci bali a̱nne̱ka̱ annit ne, ‘Mi̱re̱ bit o̱rge̱ cunne ki boor cunne, kar atin kaanyi i̱nne̱t kaal cik meelek,’

Kananet 43:14

Anyik bai Ta̱mu̱ta̱dde̱n wa anyak Komiz do̱o̱k ka̱a̱nyu̱ng deten ngati e̱e̱t neci kar atin enne ka̱a̱nyu̱ng obodai gotonnu cunno̱ng co̱de̱ ke̱ ki Benjamin bu̱k. Imma ngatinanni ming kokko anna ka̱lu̱ u̱lu̱wa̱, ka̱lu̱ zin anna de̱de̱.”

Lu̱ge̱z 3:15

A̱nne̱k Ta̱mu̱ta̱dde̱n Muses ne, “Du̱wa̱k olli Israilo, ‘I̱tto̱na̱ Manyi kar ki̱ki̱ya̱u̱ng, Ta̱mu̱ta̱dde̱n ci be̱e̱ti̱ggo̱k, Ta̱mu̱ta̱dde̱n ci Aburahami, ki Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.’ Een necu zar cigannik udut, zar cik a̱a̱dda̱na̱ bu̱u̱llo̱wa̱ ki bu̱u̱llo̱k.

Lu̱ge̱z 3:6

Kar zin enne kize ne, “Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.” Imma zin zo̱ze̱ necu, u̱lu̱gu̱ny Musesi ngu̱m cinne, eci enne o̱ngo̱o̱le̱ kar kicin Ta̱mu̱ta̱dde̱n.

Ma̱te̱yo̱ 22:32

‘Ke̱e̱ni̱ anna Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱’? Iróng enne een Ta̱mu̱ta̱dde̱n ci ol wak a̱da̱i̱to̱, een enne ci ol wak aruge.”

Vilipia 4:6

Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.