Kananet 23:4 - Tennet

⁴ “Ke̱e̱ni̱ ja i̱do̱nge̱ni̱t ci reng, kabai lo̱o̱ce̱ cunno̱ng. U̱tu̱ye̱yya̱ng ngin imma kar kuk kadawek ngaa wananni.”

Kananet 23:4 Iomraidhean Croise

Kananet 17:8

Kaanyi atin anna i̱nne̱t lo̱o̱c ci Kanaani ci i̱yo̱ko̱ abahe i̱nna̱ ize i̱do̱ngo̱je̱ni̱t ko̱, kize cunne udut ki dooli cigunnek; ke̱e̱ni̱ atin anna Ta̱mu̱ta̱dde̱n cinne̱ng.”

Kananet 23:5

O̱bo̱dde̱k zin ol cik een Hittites Aburaham a̱nne̱k ne,

Kananet 3:19

Kar muluwe ci a̱li̱ngli̱nge̱ i̱nna̱ adai atin i̱nna̱ da̱i̱ne̱t cigunnek, zee rok nginti a̱mi̱ro̱ni̱k i̱nna̱ todowa, eci anna Ta̱mu̱ta̱dde̱n keenycanni ba̱li̱ye̱ todowaca; eci i̱nna̱ e̱e̱ni̱ todowac kar i̱nna̱ mi̱ro̱zi̱k todowa.”

Kananet 47:9

Kar Ya̱ko̱bo̱ kizek nonno ne “E̱e̱ggi̱n e̱rki̱nya̱ cik kowoye anna lo̱o̱co̱we̱ o̱bo̱n co̱de̱ ki moten i̱i̱yo̱ (130). Idice annit e̱rki̱nya̱ kar kokkomit, iróng atubo ki e̱rki̱nya̱ cik owoye ciko baba.”

Kananet 49:30

aave ngi̱lo̱mi̱ ma̱ne̱ ci Machpelah, ojono ki Mamre Kanaana, uuta bali Aburahami ngin neci ngati Ephron wa een Hittites kize ilomet ki ma̱na̱.

Kananet 50:13

Odongit nege ele cinne oot a̱da̱c lo̱o̱ce̱ ci Kanaani ngi̱lo̱me̱ ci aave ngati een Machpelah ojono ki Mamre, ngin bali uuta Aburahami kize ilomet ngati Ephroni wa een e̱e̱t ci Hittite, ki ma̱na̱ bu̱k.

Lu̱ge̱z 2:22

Baling abaito bu̱k, i̱ti̱rra̱ zin Zipporah do̱le̱c ci maci, akatek zin Musesi do̱le̱c zar cik een Gershom, azi ungec cinne ne, “Kiize anna i̱do̱ngo̱je̱ni̱t lo̱o̱ce̱ ci reng.”

Buk wa To̱ni̱a̱u̱ 7:16

O̱bo̱dda̱i̱ zin nege e̱le̱tti̱ ne̱ko̱ do̱o̱k rok orog ci een zara Shechem kar zin kaartik ngi̱lo̱m ci bali uuta Aburahami ngati dooli cik Hamori, o̱rge̱ ci een Shechem.

Buk wa To̱ni̱a̱u̱ 7:5

Iróng zin Ta̱mu̱ta̱dde̱n aanyik nonno gi̱i̱ imma lo̱o̱ce̱ cu, i̱llo̱i̱ rok nginti arike zoc. Abarik zin Ta̱mu̱ta̱dde̱n a̱nne̱k nonno ne, i̱nne̱ta̱ ki dooli cigunnek ki dooli cik dooli cigunnek ovvo atin aragiz lo̱o̱c cu, ma̱i̱je̱ nu̱nu̱n da̱ iróng Aburahami anyak do̱le̱c.

I̱bu̱ru̱ 11:9

Baling okko enne azuca lo̱o̱c neci u̱du̱wa̱ Ta̱mu̱ta̱dde̱n ke̱, abak zin nginati tu̱we̱nta̱. Ogon enne ki e̱e̱ti̱ ci een e̱re̱nno̱i̱t abak ti̱ta̱, aragiz atin dooli cik dooli ciginnek, I̱sa̱ko̱ ki Ya̱ko̱bo̱ lo̱o̱c neci bu̱k.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.