Kananet 23:16 - Tennet

¹⁶ Elema zin Aburahami kaal cik a̱du̱wa̱ Ephroni kiziyet ol cik Hittites ko̱, kar zin ki̱ti̱gltta̱ obet we̱c (400) ziik cik ataltali go̱o̱le̱ ci da̱ gon ataline ol ne̱ke̱ kaal la̱du̱n.

Kananet 23:16 Iomraidhean Croise

Kananet 23:15

“Ziyan Manyi wananni, adak ma̱na̱ neci obet we̱c (400) ziik cik ataltali, iróng o̱ro̱bi̱ya̱na̱ ne̱ke̱ e̱e̱ggi̱n gi̱i̱ imma ngatinanni ki i̱nne̱ta̱. Bit dawek daizoit cunne nginati.”

Kananet 43:21

Imma ngati kovvo naga ki̱ye̱be̱za̱ goola, koogta lodet cigga̱k kar ngenngene kuruba o̱ro̱bi̱ya̱ ecito aave utuge ci lo̱do̱ cinne. Kanyakta zin naga i̱yo̱ko̱ ki o̱ro̱bi̱ya̱ ne̱ke̱.

Kananet 49:29

Aanyik zin enne nogo ti̱lo̱wi̱ne̱t cu: “Ize ojon kar anna kuk ngato ol cigannik. A̱da̱ye̱a̱ng annit ki baba ngi̱lo̱m co̱de̱, ci bali een ci Ephroni e̱e̱t ci Hittite,

Kananet 50:13

Odongit nege ele cinne oot a̱da̱c lo̱o̱ce̱ ci Kanaani ngi̱lo̱me̱ ci aave ngati een Machpelah ojono ki Mamre, ngin bali uuta Aburahami kize ilomet ngati Ephroni wa een e̱e̱t ci Hittite, ki ma̱na̱ bu̱k.

Ma̱te̱yo̱ 7:12

“Imma kaale do̱o̱k, u̱tu̱gu̱zze̱k ol kaal cik abunna orongnyu niga ku̱tu̱gu̱ze̱u̱ng nege i̱ge̱ta̱. Een ne̱ko̱ zo̱zzo̱k cik aruma lo̱ti̱nno̱k cik Musesi do̱o̱k ki zoz ci a̱ri̱tto̱u̱.

Buk wa To̱ni̱a̱u̱ 7:16

O̱bo̱dda̱i̱ zin nege e̱le̱tti̱ ne̱ko̱ do̱o̱k rok orog ci een zara Shechem kar zin kaartik ngi̱lo̱m ci bali uuta Aburahami ngati dooli cik Hamori, o̱rge̱ ci een Shechem.

Roma 13:8

Ru̱k ngabolet cigunnek olle do̱o̱k. Ogon rezinet ki ci kanyak naga nga̱bo̱lo̱, abunna zin kirez naga ol do̱o̱k, ming irez e̱e̱ti̱ imma gooni, azunne enne lo̱ti̱nno̱k cik Ta̱mu̱ta̱dde̱no̱.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

1 Te̱se̱lo̱ni̱ka̱ 4:6

Ma orootonu ki ngaai cik ollu, ming u̱tu̱gu̱ niko, edezi atin Manyi wa a̱gga̱ no̱ngi̱tto̱n do̱o̱k ki bali ming koobteung ke̱, kar bo̱do̱k icinntu baize cinna̱ng ke̱.