Kananet 22:4 - Tennet

⁴ Imma i̱i̱te̱ne̱ ci een i̱i̱yo̱, icin Aburahami ta̱dde̱n kar kedenya ngin neci meer reena.

Kananet 22:4 Iomraidhean Croise

Kananet 22:3

Ma̱i̱je̱ nge̱rre̱t i̱i̱te̱n ci reng, itinga Aburahami kar kaarik i̱jjo̱ zi̱gi̱r cinne. Kar kuwe ki du̱cca̱k ciginnek rama ki ngerinne I̱sa̱ko̱. Baling u̱du̱la̱ enne rimma cik meelek kize cik ivade enne i̱di̱ng, uk zin ngati u̱du̱wa̱k Ta̱mu̱ta̱dde̱n nonno anyik kuk ke̱.

Kananet 22:5

U̱du̱wa̱k zin enne du̱cca̱k ciginnek a̱nne̱k ne, “A̱vvu̱t ngatu ki zi̱gi̱r ngen anna ki do̱le̱c kovvoya ngati. Kovvoya naga kalayya Ta̱mu̱ta̱dde̱n kar atidic kobodanna rok i̱ge̱ta̱.”

Lu̱ge̱z 15:22

Itingawe Musesi olli Israilo Nyatapare ci Ma̱ri̱ koot rok balal ci een zara Shur. Owo nege i̱i̱nya̱ i̱i̱yo̱ balala ci iróng amuda maam.

Lu̱ge̱z 19:11

kar ka̱vvu̱to̱ ju̱rru̱m kerec i̱i̱te̱n ci een i̱i̱yo̱, eci i̱i̱te̱ne̱ neci okko Manyi a̱kku̱ alucak be ci een Sinai kicinnet ol do̱o̱k.

Lu̱ge̱z 19:15

Izek zin enne ol ne, “Idimanit e̱le̱tti̱ ju̱rru̱m ize ojon i̱i̱te̱ni̱ ci een i̱i̱yo̱. A̱vvu̱t reena zo̱ze̱ ci ngaanu.”

Lu̱ge̱z 5:3

Izeto zin nege ne, “I̱ki̱ya̱ Manyi Ta̱mu̱ta̱dde̱n ci olli I̱bu̱ru̱ ku̱ru̱mto̱wa̱ ki agita. I̱yo̱ko̱ inyet keronta i̱i̱nya̱ i̱i̱yo̱ balala kar kapaktek wawa Manyi Ta̱mu̱ta̱dde̱n cinna. Ming iróng kogon niko, okko wo̱ye̱ atidic enne egerzanet zereta icima illawa.”

Ma̱te̱yo̱ 17:23

A̱ru̱k atin ol nonno ka̱da̱k, imma i̱i̱nya̱we̱ cik een i̱i̱yo̱ ingazi atin enne daiza.” Kar zin nuyaha komozte.

Lu̱ka̱ 13:32

Abarizek zin enne nogo, “I̱mi̱rrte̱ oot u̱du̱kta̱k i̱re̱r neci, ‘Kottoi anna kuulo cik lo̱rye̱nta̱k kar kangaru ol wazin necu ki loza, kar i̱i̱te̱n ci een i̱i̱yo̱ kuzuca atin anna gi̱i̱ ci korongi ku̱tu̱gu̱.’

1 Ko̱ri̱nto̱ 15:4

a̱da̱ye̱k ol nonno ilomi, kar i̱i̱nya̱we̱ cik een i̱i̱yo̱, itinga enne daiza kurug, ki ming a̱du̱wa̱ Waraga ci Ta̱mu̱ta̱dde̱no̱.