Kananet 22:3 - Tennet

³ Ma̱i̱je̱ nge̱rre̱t i̱i̱te̱n ci reng, itinga Aburahami kar kaarik i̱jjo̱ zi̱gi̱r cinne. Kar kuwe ki du̱cca̱k ciginnek rama ki ngerinne I̱sa̱ko̱. Baling u̱du̱la̱ enne rimma cik meelek kize cik ivade enne i̱di̱ng, uk zin ngati u̱du̱wa̱k Ta̱mu̱ta̱dde̱n nonno anyik kuk ke̱.

Kananet 22:3 Iomraidhean Croise

Kananet 17:23

Imma wazin neci ele, uwe zin Aburahami ngerinne Ismail ki ol wak macik do̱o̱k ce̱e̱ze̱ cinne ki dooli wak a̱rri̱ta̱i̱ ce̱e̱ze̱ cinne ki wak a̱gga̱mnya̱i̱ ki du̱cca̱k ki wak uutai o̱ro̱bi̱ya̱i̱, kar zin ketted nogo wucic vi̱ca̱vi̱cce̱t ki bali ming a̱du̱wa̱k Ta̱mu̱ta̱dde̱n nonno ke̱.

Kananet 21:14

Imma nge̱rre̱t ingani, idima Aburahami da̱i̱ne̱t u̱gge̱ ki de̱e̱re̱ ci maamu kar zin kaanyik Hagar. I̱ti̱ye̱k zin i̱nya̱ cinne kar zin ki̱nya̱ma̱ne̱k nonno gool ki do̱le̱c. Akat Hagari gool cinne kar kuk ki̱ti̱k tu̱ balale ci een Beersheba.

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 22:2

Izek zin Ta̱mu̱ta̱dde̱n nonno ne, “Dima ngerunne I̱sa̱ko̱ wa o̱de̱ ṯok irezi i̱nna̱ oroot ko̱, kar bit lo̱o̱ce̱ ci een Moriah. Bit pak nonno kize wawac ci i̱va̱dde̱ biyene ne̱ke̱ co̱de̱, kokko atin ka̱du̱wa̱ki̱ zoz neci.”

Kananet 22:4

Imma i̱i̱te̱ne̱ ci een i̱i̱yo̱, icin Aburahami ta̱dde̱n kar kedenya ngin neci meer reena.

Ma̱te̱yo̱ 10:37

“Ming irez e̱e̱ti̱ imma baatinne icima yaatinne oroot kommoga annita, iróng enne agano kize nuyait cinanni; kar bo̱do̱k ming irez e̱e̱ti̱ ngerinne icima buweenyinne oroot kommoga annita, iróng enne agano kize nuyait cinanni;

Lu̱ka̱ 14:26

“Ming a̱kku̱nna̱ka̱ e̱e̱ti̱ imma annita kar iróng ireza annit kommog baatinne ki yaatinne, ngaa cinne ki dooli, ki gotonoggi ki ngonoggi, ki ruget cinne bu̱k, iróng enne een nuyait cinanni.

Ga̱la̱ti̱a̱ 1:16

kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu.

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.