Kananet 22:2 - Tennet

² Izek zin Ta̱mu̱ta̱dde̱n nonno ne, “Dima ngerunne I̱sa̱ko̱ wa o̱de̱ ṯok irezi i̱nna̱ oroot ko̱, kar bit lo̱o̱ce̱ ci een Moriah. Bit pak nonno kize wawac ci i̱va̱dde̱ biyene ne̱ke̱ co̱de̱, kokko atin ka̱du̱wa̱ki̱ zoz neci.”

Kananet 22:2 Iomraidhean Croise

Kananet 17:19

Ize zin Ta̱mu̱ta̱dde̱n ne, “I̱i̱ny, abarik atin ngaa cunne Sarah a̱rri̱ta̱ do̱le̱c ci maci, kar atin i̱nna̱ katek zar cik een I̱sa̱ko̱. Kazunne atin anna olom cinanni ki nonno kize olom ci aave udut ki dooli cik dooli ciginnek ming i̱zzi̱ enne to.

Kananet 21:12

Ma̱i̱je̱ Ta̱mu̱ta̱dde̱n izek Aburaham ne, “Ma anyik zinin ku̱u̱c zo̱ze̱ ci ngerunne ki du̱ca̱i̱t cunne. Zik zoz ci a̱du̱wa̱ki̱ Sarah ko̱, eci zo̱ze̱ ci I̱sa̱ko̱, okko i̱nna̱ a̱va̱dde̱ ki bali ku̱du̱wa̱ anna ke̱.

Kananet 21:3

Akatek zin Aburahami do̱le̱c zar kize I̱sa̱ko̱, do̱le̱c bali a̱rri̱ta̱ Sarah ke̱.

Kananet 22:12

Izek zin anjilo nonno ne “Ma zin ogonik nonno gi̱i̱ imma. I̱yo̱ko̱ ka̱gga̱wa̱ ming o̱ngo̱o̱le̱ i̱nna̱ Ta̱mu̱ta̱dde̱n, eci iróng i̱nna̱ a̱ju̱ra̱ka̱ annit ngerunne ci o̱de̱ ṯok ko̱.”

Kananet 22:16

a̱nne̱k ne, “Ki̱tto̱ni̱k anna ele cinanni, ming ozoz Manyi, eci i̱nna̱ u̱tu̱gu̱ zoz necu iróng a̱ju̱ra̱ne̱ ngerunne wa o̱de̱ ṯok,

Kananet 22:3

Ma̱i̱je̱ nge̱rre̱t i̱i̱te̱n ci reng, itinga Aburahami kar kaarik i̱jjo̱ zi̱gi̱r cinne. Kar kuwe ki du̱cca̱k ciginnek rama ki ngerinne I̱sa̱ko̱. Baling u̱du̱la̱ enne rimma cik meelek kize cik ivade enne i̱di̱ng, uk zin ngati u̱du̱wa̱k Ta̱mu̱ta̱dde̱n nonno anyik kuk ke̱.

Kananet 22:9

Baling u̱zu̱cca̱ nege ngin bali a̱du̱wa̱k Ta̱mu̱ta̱dde̱n nonno zoz cinne ke̱, eteheeny zin Aburahami i̱te̱le̱ nginati kar zin ketevetek rimma cik gwo̱o̱ya̱k. A̱gga̱m zin ngerinne I̱sa̱ko̱ kar keceb, kar zin kabahek rimma ne̱ke̱.

Kananet 8:20

Idimanek zin Nowa Manyi i̱te̱le̱ kar kalawe nonno. Idima elegje wak abunna adak ol ki iballi bu̱k, kar zin kapahek Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

I̱bu̱ru̱ 11:17

Imma tu̱we̱nte̱ ci Aburahami bali atimane Ta̱mu̱ta̱dde̱n nonno zo̱ze̱ ci ngerinne I̱sa̱ko̱ ko̱, abunna ming apahek nonno kize wawac. Orong zin enne kapahek I̱sa̱ko̱ Ta̱mu̱ta̱dde̱n ngerinne wa o̱de̱ ṯok kize wawac, ming u̱du̱wa̱k Ta̱mu̱ta̱dde̱n nonno zoz neci nu̱nu̱n, eci enne a̱gga̱ zoz bali u̱du̱wa̱ Manyi ke̱.