Kananet 22:14 - Tennet

¹⁴ Akatek zin Aburahami ngin neci kize zara aanyet atin Manyi gi̱i̱ imma. Rok i̱yo̱ko̱ bu̱k ngen ol awu ngin neci kize “Biye cu, aanyet atin Manyi gi̱i̱ imma.”

Kananet 22:14 Iomraidhean Croise

Kananet 22:13

Edev Aburahami ta̱dde̱n, kar zin kicin mirkic ci odowan o̱to̱ keeta. Uk enne nginati kar kooga mirkic neci kar zin ketted kapahek Ta̱mu̱ta̱dde̱n kize i̱di̱ng ci ivade karagiz nginti ngerinne.

Kananet 22:15

Utu zin bo̱do̱k anjilo ci Manyi Aburaham ta̱mu̱-kenga lak rama,

Kananet 22:8

Abarizek zin Aburahami nonno a̱nne̱k ne, “Ngeranni, aanyyet atidic Ta̱mu̱ta̱dde̱n eliya nyoon ci kovvo naga kapahek nonno.” Kar nege cik e̱e̱ggi̱n rama ko̱ koot nga̱to̱de̱.

Kananet 28:19

Akatek zin enne ngin neci kize Bethel, ming nu̱nu̱n azi zar cik orog neci arrak ba̱li̱ye̱ ne Luz.

Kananet 32:30

Akatek zin Ya̱ko̱bo̱ zar cik ngin neci kize ne, Peniel kar kize ne, “Eci anna kicinna ngu̱m ci Ta̱mu̱ta̱dde̱no̱, kar i̱yo̱ko̱ ngen anna karugi.”

Lu̱ge̱z 17:15

Eteheeny zin Musesi i̱te̱le̱ kar kakatek zar cik azi ne aanya Manyi kommog mo̱ddo̱ cigannik.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.