Kananet 22:12 - Tennet

¹² Izek zin anjilo nonno ne “Ma zin ogonik nonno gi̱i̱ imma. I̱yo̱ko̱ ka̱gga̱wa̱ ming o̱ngo̱o̱le̱ i̱nna̱ Ta̱mu̱ta̱dde̱n, eci iróng i̱nna̱ a̱ju̱ra̱ka̱ annit ngerunne ci o̱de̱ ṯok ko̱.”

Kananet 22:12 Iomraidhean Croise

Kananet 20:11

O̱bo̱de̱k zin Aburahami nonno, “Ka̱nne̱k anna ele cinanni, ‘I̱llo̱i̱ de̱de̱ ngo̱li̱ne̱t ci Ta̱mu̱ta̱dde̱no̱ ngatu, kar atin nege ku̱ru̱kta̱ annit zo̱ze̱ ci ngaa cinanni.’

Kananet 22:13

Edev Aburahami ta̱dde̱n, kar zin kicin mirkic ci odowan o̱to̱ keeta. Uk enne nginati kar kooga mirkic neci kar zin ketted kapahek Ta̱mu̱ta̱dde̱n kize i̱di̱ng ci ivade karagiz nginti ngerinne.

Kananet 22:16

a̱nne̱k ne, “Ki̱tto̱ni̱k anna ele cinanni, ming ozoz Manyi, eci i̱nna̱ u̱tu̱gu̱ zoz necu iróng a̱ju̱ra̱ne̱ ngerunne wa o̱de̱ ṯok,

Kananet 22:2

Izek zin Ta̱mu̱ta̱dde̱n nonno ne, “Dima ngerunne I̱sa̱ko̱ wa o̱de̱ ṯok irezi i̱nna̱ oroot ko̱, kar bit lo̱o̱ce̱ ci een Moriah. Bit pak nonno kize wawac ci i̱va̱dde̱ biyene ne̱ke̱ co̱de̱, kokko atin ka̱du̱wa̱ki̱ zoz neci.”

Kananet 26:5

ma̱rri̱t Aburahami o̱ngo̱o̱li̱na̱n kar kuzute zoz ci ka̱du̱wa̱ anna, ti̱lo̱wi̱ne̱t cinanni, ki lo̱ti̱nno̱k cigannik.”

Kananet 42:18

Kar i̱i̱te̱n ci een i̱i̱yo̱, a̱nne̱k zin Yosevo nogo ne, “U̱tu̱gu̱z zoz cu kar uruget, eci ke̱e̱ni̱ anna e̱e̱t ci ko̱ngo̱o̱le̱ Ta̱mu̱ta̱dde̱n:

Lu̱ge̱z 20:20

A̱nne̱k Musesi ol ne, “Ma o̱ngo̱o̱li̱nnu̱ gi̱i̱ imma. A̱kku̱ Ta̱mu̱ta̱dde̱n okko atimannung, kar zin go̱o̱le̱ ci o̱ngo̱o̱li̱nnu̱ niga Ta̱mu̱ta̱dde̱n alamnyyung iróng ngen ogonnu mu̱nye̱n.”

Ma̱te̱yo̱ 16:24

Iizek zin Ye̱su̱ nuyak ne, “Ming orong e̱e̱ti̱ kize to̱ni̱a̱t cinanni, anyik kutungek kaal cik lo̱o̱tu̱ irez enne ko̱, do̱o̱k, kar zin kodong ta̱la̱ke̱c cinne piryanzeto kar zin kunuwan.

Ma̱te̱yo̱ 19:29

Imma e̱e̱ti̱ ci ungnek ce̱e̱zi̱ icima gotonoggi icima ngonoggi icima baatinne icima yaatinne icima dooli icima kaal ciginnek zo̱ze̱ cinanni, amuda atin o̱bo̱n co̱de̱ (100) kaale ne̱k ungnek enne lo̱o̱c ke̱, kar atin karagiz baiz wa aave udut.

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Buk wa To̱ni̱a̱u̱ 9:31

A̱vvu̱to̱ ol wak a̱tu̱we̱ labak lo̱o̱ce̱ ci Ju̱de̱ya̱, Ga̱li̱li̱, ki Samariya. Okkom ke̱le̱ci̱a̱ ne kak, aanyik Vongizi ci A̱li̱le̱ nogo komiz, otorte zin nege izeto meele kar zin nege kabaito ngati o̱ngo̱o̱li̱nne̱ Manyi.

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

1 Ko̱ri̱nto̱ 10:13

Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

2 Ko̱ri̱nto̱ 8:12

Ming orong e̱e̱ti̱ ki̱ti̱ri̱z gonoggi kaale cik anyai, abunna ming anyike nogo kaal cik ette anyak enne zinine cinne do̱o̱k. Atalne Ta̱mu̱ta̱dde̱n ngati e̱e̱t ci anyike ol kaal talninta, iróng angija.

I̱bu̱ru̱ 11:19

U̱du̱wa̱ zin Aburahami zinine cinne zoz ci azi ne ming a̱da̱i̱ I̱sa̱ko̱, ingane atin Ta̱mu̱ta̱dde̱n nonno daiza. U̱tu̱gu̱ zin ki ming ingane Ta̱mu̱ta̱dde̱n nonno daiza.

I̱bu̱ru̱ 12:28

I̱yo̱ko̱ zin, abunna zin kanyike Ta̱mu̱ta̱dde̱n zany ngati kalawe nonno eci enne aanyyet ba̱a̱li̱ne̱t ci iróng omoti.

Je̱mi̱s 2:18

Ma̱i̱je̱ atin e̱e̱ti̱ imma azi ne, “Anyai i̱nna̱ tu̱we̱ne̱t; kabunna anna ki̱i̱rke̱.” Ye̱le̱ka̱ da̱ tu̱we̱ne̱t cunne ci i̱llo̱i̱ rok bunnat ki i̱rrke̱ne̱t, kar anna ki̱ye̱le̱i̱ tu̱we̱ne̱t cinanni go̱o̱le̱ ci kogonne anna kaal.

O̱no̱zzo̱k 19:5

I̱ki̱ya̱ zin mului lecere ci alaano, azi ne: “Kinnatit Ta̱mu̱ta̱dde̱n wanna, niga du̱cca̱ha̱ ciginnek do̱o̱k, niga ol wak o̱ngo̱o̱li̱nnu̱ nonno, ol cikidik ki ol wak a̱ddi̱ki̱re̱!”