Kananet 22:1 - Tennet

¹ Baling abak Aburahami e̱rki̱to̱k u̱gge̱ lo̱o̱ce̱ neci, itiman zin Ta̱mu̱ta̱dde̱n Aburaham. A̱nne̱k nonno ne, “Aburaham!” Awe zin enne azi ne, “Annit icu.”

Kananet 22:1 Iomraidhean Croise

Kananet 15:1

Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Kananet 21:11

U̱u̱c zin zoz neci zinine ci Aburahami oroot, eci zoz necu obod ki ngerinne.

Kananet 22:11

Ma̱i̱je̱ anjilo ci Manyi utu nonno ta̱mu̱-kenga izek ne, “Aburaham! Aburaham!” Awe zin enne azi ne, “Wou! Annit icu ngatu ko̱.”

Kananet 22:7

ozozik zin I̱sa̱ko̱ baatinne a̱nne̱k ne, “Baba?” O̱bo̱de̱k zin Aburahami nonno, “Wou, ngeranni?” Azi I̱sa̱ko̱ ne, “Kanyak naga gwo̱o̱ ki rimma ngatu, abarik zin i̱nno̱ nyoon ci a̱zze̱to̱ ci kovvo kapahek Ta̱mu̱ta̱dde̱n ko̱?”

Kananet 37:13

kar Israili baatinne kizek Yosevo ne, “Ki i̱yo̱ko̱ ming a̱gga̱ i̱nna̱ ko̱, egewe gotonoggu kaal ngati ojono ki Shechem. I̱jja̱, kokko anna ki̱tto̱ni̱ kar bit rok nogo.” O̱bo̱de̱k zin Yosevo, a̱nne̱k ne, “Abunna baba.”

Kananet 46:2

Ozozik zin Ta̱mu̱ta̱dde̱n Israil ba̱a̱l o̱no̱zo̱we̱ a̱nne̱k ne, “Ya̱ko̱bo̱! Ya̱ko̱bo̱!” Abariz enne, “Annit icu.”

Lu̱ge̱z 16:4

Izek zin Manyi Muses ne, “Kanyike atin anna da̱i̱ne̱t ki̱ta̱zzo̱ ta̱mu̱-kenga kiwagon ta̱mu̱. Anyik ol koot keberta cik eleno ki nogo i̱i̱te̱n co̱de̱. Imma zin go̱o̱le̱ necu katimani atin anna nogo ming annu nege lo̱ti̱nno̱k cigannik.

Lu̱ge̱z 3:4

Baling icin Manyi uk Musesi orong kar kuk kicin gwo̱o̱ neci, utu zin Ta̱mu̱ta̱dde̱n nonno garuwe, “Muses! Muses!” Ize zin Musesi ne, “Wou, annita icu.”

1 Ko̱ri̱nto̱ 10:13

Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

I̱bu̱ru̱ 11:17

Imma tu̱we̱nte̱ ci Aburahami bali atimane Ta̱mu̱ta̱dde̱n nonno zo̱ze̱ ci ngerinne I̱sa̱ko̱ ko̱, abunna ming apahek nonno kize wawac. Orong zin enne kapahek I̱sa̱ko̱ Ta̱mu̱ta̱dde̱n ngerinne wa o̱de̱ ṯok kize wawac, ming u̱du̱wa̱k Ta̱mu̱ta̱dde̱n nonno zoz neci nu̱nu̱n, eci enne a̱gga̱ zoz bali u̱du̱wa̱ Manyi ke̱.

Je̱mi̱s 2:21

Amire ki ji̱ji̱ti̱nna̱ Aburaham ci een e̱e̱t ci abunna ngati aanyik enne Ta̱mu̱ta̱dde̱n ngerinne I̱sa̱ko̱ kize wawac i̱te̱la̱?

1 Peturu 1:7

A̱vvu̱ kaala ne̱k gerzek ko̱ kar tu̱we̱ne̱t cunno̱ng kize de̱de̱ kommog zu̱rte̱ni̱t ci een dhahab, ci gon ozolo ming aartik ol gwo̱o̱. I̱ye̱la̱ wo̱ye̱ zoz ci een de̱de̱ kar ol kinnatit, anyaha di̱ngdi̱nga̱ni̱ne̱t ki to̱ngo̱o̱li̱ne̱t ming okko Ye̱su̱ Ki̱ri̱sto̱ obodak lo̱o̱c.