Kananet 21:1 - Tennet

¹ Aanyik zin Manyi Sarah eezet kedete ki bali a̱nne̱k enne ke̱, kar Manyi ku̱tu̱gu̱we̱k Sarah zoz bali u̱du̱wa̱ enne ke̱.

Kananet 21:1 Iomraidhean Croise

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 17:19

Ize zin Ta̱mu̱ta̱dde̱n ne, “I̱i̱ny, abarik atin ngaa cunne Sarah a̱rri̱ta̱ do̱le̱c ci maci, kar atin i̱nna̱ katek zar cik een I̱sa̱ko̱. Kazunne atin anna olom cinanni ki nonno kize olom ci aave udut ki dooli cik dooli ciginnek ming i̱zzi̱ enne to.

Kananet 17:21

Ma̱i̱je̱ olomi cinanni, kadimani atin ki I̱sa̱ko̱, ci okko atin ngaa ci een Sarah a̱rri̱ta̱ki̱ i̱nne̱t ko̱ nye̱lo̱wo̱ cu ele e̱rki̱ta̱.”

Kananet 18:10

Ize zin Manyi ne, “Kobodaki atin lola i̱i̱te̱n cu ele e̱rki̱ta̱, kar atin ngaa cunne Sarah kanyak do̱le̱c ci maci.” I̱yo̱ko̱ zin azikne da̱ enne Sarah ti̱ta̱, bo̱i̱ce̱ ci Aburahami.

Kananet 18:14

Anyak gi̱i̱ imma ci okkomi kommog Manyi? Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Kananet 24:36

Okko ngaa cinne Sarah a̱rri̱ta̱k ddi̱ki̱ryo̱i̱t cinanni lo̱gu̱t ci maci ngati izewe enne ma̱ti̱yo̱c, kar baatinne kaanyik nonno kaal cik anyak enne do̱o̱k.

Kananet 50:24

Izek zin Yosevo gotonoggi ne, “Ize annit ojon daizi. Ka̱gga̱ zin abarik anna, okko atin Ta̱mu̱ta̱dde̱n eelannung okkoyyung lo̱o̱ce̱ cu rok lo̱o̱c bali ogone enne olom ki Aburaham, ki I̱sa̱ko̱ ki Ya̱ko̱bo̱ ke̱.”

Lu̱ge̱z 20:5

Ma a̱di̱ngdi̱nga̱nnu̱ kaal cik een to̱do̱yyo̱k ko̱; eci anna Manyi Ta̱mu̱ta̱dde̱n cunno̱ng, ke̱e̱ni̱ anna Ta̱mu̱ta̱dde̱n ci kanyai meder, ke̱de̱zi̱ dooli zo̱ze̱ ci mu̱nye̱n ci be̱e̱ti̱gge̱k zee kizeto bu̱u̱llo̱wa̱ i̱i̱yo̱ icima we̱c wak amarina annita,

Lu̱ge̱z 3:16

“Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Lu̱ge̱z 4:31

elemtta zin nege zoz neci. Baling iziyyet nege zoz neci, icin Manyi matiz cinne̱ng orong enne kidiman nogo kubunnta, a̱ka̱tte̱k zin nege u̱zu̱ngtti̱ lo̱o̱c kar kalac Ta̱mu̱ta̱dde̱n.

Ma̱te̱yo̱ 24:35

Adittai atin ta̱mu̱-kengi ki lo̱o̱c, imma zoz cinanni abak atin udut.”

Lu̱ka̱ 1:68

“Kinnati Manyi Ta̱mu̱ta̱dde̱n ci Israilo, eci enne i̱ki̱ya̱ i̱ti̱ri̱z ol ciginnek.

Lu̱ka̱ 19:44

Orocekung atin nege i̱ge̱ta̱ ki dooli do̱o̱k di̱la̱twa̱ cuggo̱k ecito. Iróng atin nege ungnek bee co̱de̱ ka̱vvu̱ o̱o̱we̱ ci gononi, eci iróng niga ba̱li̱ye̱ elemnyyu i̱i̱te̱n ci a̱kku̱na̱kku̱ng Ta̱mu̱ta̱dde̱n i̱ge̱ta̱.”

Ga̱la̱ti̱a̱ 4:23

A̱rri̱ta̱i̱ ngerrti du̱ca̱kto̱ ko̱ go̱o̱le̱ ci orong e̱e̱ti̱ ci diiri, okko ngerrti ngaa ci ce̱e̱zu̱ ko̱, a̱rri̱ta̱i̱ go̱o̱le̱ ci u̱du̱wa̱ Ta̱mu̱ta̱dde̱n.

Ga̱la̱ti̱a̱ 4:28

Imma niga gotonogget ki ngonogget tu̱we̱nta̱, kogon naga ki dooli cik Sarah, ki i̱yo̱ko̱ I̱sa̱ko̱, eci a̱rri̱ta̱i̱ go̱o̱le̱ ci u̱du̱wa̱k Ta̱mu̱ta̱dde̱n Aburaham.

Ti̱to̱ 1:2

Aave tu̱we̱ne̱t ki gga̱we̱ne̱t zoz ngati zoz ci karike naga zi̱nze̱tti̱ ko̱, a̱kku̱ zo̱ze̱ ci baiz ci aave udut, nonno ci een Ta̱mu̱ta̱dde̱n, iróng enne ovolongi, u̱du̱wa̱ zoz neci ming ngen enne kidiman ta̱mu̱-keng ki lo̱o̱c,

Buk ci ozoz zoz ci ngaa ci een Ruz 1:6

Baling izik Naomi Moaba zoz ci eelanne Manyi ol ciginnek aanyik da̱i̱ne̱t, orong zin Naomi ki alawanet ciginnek ki̱mi̱rte̱ koot olo.