Kananet 20:9 - Tennet

⁹ Utu zin Abimelechi Aburaham ca̱a̱to̱ kar kizek ne, “Ogonikket i̱nna̱ agit nya? Ku̱tu̱gu̱we̱i̱ da̱ anna i̱nne̱t gi̱i̱ ci gerze kar i̱nna̱ nyaha annit dezo ki lo̱o̱c cinanni ko̱? U̱tu̱gu̱we̱ya̱ bai i̱nna̱ annit zoz ci iróng wo̱ye̱ ogonikan.”

Kananet 20:9 Iomraidhean Croise

Kananet 12:18

Utu zin alaani ci Masiro Aburam kuk ngatinne. I̱jji̱n zin enne nonno, “Ogonika i̱nna̱ annita nya? Nya iróng i̱nna̱ a̱du̱wa̱ka̱ ming een enne ngaa cunne ko̱?

Kananet 20:10

I̱jji̱n zin bo̱do̱k Abimelechi Aburaham izek ne, “Anyai i̱nna̱ nya zinina kar tu̱gu̱ zoz cu niko ko̱?”

Kananet 20:8

Imma bali nge̱rre̱t ingani, utu Abimelechi lo̱ddi̱ki̱re̱ wak abal lo̱o̱c ki nonno, kar baling u̱du̱wa̱k enne nogo o̱no̱zzo̱k waginnek ke̱ do̱o̱k, o̱to̱ngo̱o̱ltte̱ zin nege lo̱o̱c oroot.

Kananet 26:10

O̱bo̱de̱k zin Abimelechi nonno, “Nya ci ogonikket i̱nna̱ agit ko̱? Ming atangwei i̱yo̱ko̱ weda da̱ e̱e̱ti̱ imma co̱de̱ ngatinna̱ng ki ngaa cunne, anyahaet weete i̱nna̱ agit mu̱nye̱n.”

Kananet 29:25

Baling ize looci nge̱rre̱t, ize abarik Le̱ya̱! Izek zin Ya̱ko̱bo̱ Laban ne, “Nya ci ogonika i̱nna̱ annit ko̱? Ka̱li̱ngli̱ngo̱ni̱ki̱ anna i̱nne̱t ba̱li̱ye̱ e̱rki̱nya̱ turgerem kar korong ki̱ti̱k Rachel, nya ci a̱lu̱ta̱ niko ko̱?”

Kananet 34:7

I̱yo̱ko̱ o̱bo̱dda̱ logoz cik Ya̱ko̱bo̱ boora, baling ovvo nege aziye zoz ci u̱tu̱gu̱ Shechemi, utuburet nong oroot, eci Shechemi u̱tu̱gu̱ gi̱i̱ ci gerze Israila ngati aminye buweenyi Ya̱ko̱bo̱, gi̱i̱ ci iróng wo̱ye̱ ogone.

Kananet 38:24

Baling e̱de̱cca̱ nege nyelowi i̱i̱yo̱, u̱du̱wa̱k e̱e̱ti̱ imma Ju̱da̱ azi ne, “Ize alawani cunne Tamari a̱li̱ya̱i̱t, abarik anyaho.” Egereny zin Ju̱da̱, “U̱tu̱gu̱rre̱t nonno o̱o̱tte̱ orog abanyca kar utuzet gwo̱o̱ya̱ ka̱da̱k!”

Kananet 39:9

I̱llo̱i̱ e̱e̱t imma ci ommogja annit ce̱e̱ze̱ cu. Aanya ddi̱ki̱ryo̱i̱ti̱ cinanne ka̱gga̱m kaal do̱o̱k ce̱e̱ze̱ cinne, iróng zin anna ke̱e̱ni̱ ddi̱ki̱ryo̱i̱t cunne eci i̱nna̱ e̱e̱ni̱ ngaa cinne. Kogonni wo̱ye̱ anna gi̱i̱ ci gerze ko̱ kar ku̱tu̱gu̱ mu̱nye̱n ngu̱me̱ ci Ta̱mu̱ta̱dde̱no̱?”

Roma 2:11

Iróng Ta̱mu̱ta̱dde̱n irez ol u̱gge̱ do̱.

Ti̱to̱ 1:11

Ma anyike nyakanganet cik volongak ko̱ ke̱de̱me̱zi̱t ol cik Ta̱mu̱ta̱dde̱no̱, eci de̱mzi̱nte̱ neci egerzanit ol cik meelek oroot, iróng ngen elemi zoz ci een de̱de̱. Orong demezyaha cik ogon niko o̱ro̱bi̱ya̱ cik ollu.

I̱bu̱ru̱ 13:4

Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.