Kananet 20:7 - Tennet

⁷ I̱yo̱ko̱ bodehe ngaa necu e̱e̱t cinne, eci enne een a̱ri̱to̱i̱t ci zoz cinanni, kar atin kalawei i̱nne̱t Ta̱mu̱ta̱dde̱n kar kaanyi ruget. Ma̱i̱je̱ ming iróng i̱nna̱ obodeke nonno ngaa cinne, abunna ming a̱gga̱ aditai atin i̱nna̱ doolinne.”

Kananet 20:7 Iomraidhean Croise

Kananet 12:15

Baling ovvo ol wak a̱li̱ngli̱ng ki alaan ci Masiro acin ngaa neci, u̱du̱kta̱k zin zoz cinne alaan, kar zin ol ko̱o̱tte̱ nonno ce̱e̱ze̱ ci alaano.

Kananet 12:17

Aanyik zin Manyi alaan ci Masiro ki ol cik ce̱e̱zu̱ do̱o̱k komorrit moriz ci gerze zo̱ze̱ ci ngaa ci Aburami, Sarai.

Kananet 2:17

Ma̱i̱je̱ keet wa aanyi i̱nne̱t gga̱ gi̱i̱ ci abunna ki ci gerze ko̱, ma adai. Ming adau o̱ya̱u̱ cik keet neci, a̱da̱i̱ atin i̱nna̱ de̱de̱.”

Kananet 20:18

eci bali Manyi unyuk ke̱ngti̱ cik ngaanu do̱o̱k ce̱e̱ze̱ ci Abimelechi zo̱ze̱ ci Sarah ngaa ci Aburahami.

Kananet 20:3

Ma̱i̱je̱ Ta̱mu̱ta̱dde̱n i̱ki̱ya̱k Abimelech ba̱a̱li̱n co̱de̱ o̱no̱zo̱we̱ kar zin kizek nonno ne, “U̱tu̱gu̱ i̱nna̱ ki e̱e̱ti̱ ci a̱da̱ha̱ zo̱ze̱ ci ngaa ci uuwe i̱nna̱ ko̱; een enne ngaa ci e̱e̱to̱.”

Kananet 20:8

Imma bali nge̱rre̱t ingani, utu Abimelechi lo̱ddi̱ki̱re̱ wak abal lo̱o̱c ki nonno, kar baling u̱du̱wa̱k enne nogo o̱no̱zzo̱k waginnek ke̱ do̱o̱k, o̱to̱ngo̱o̱ltte̱ zin nege lo̱o̱c oroot.

Kananet 23:6

“Ddi̱ki̱ryo̱i̱t, zik zoz cinna̱ng. E̱e̱ni̱ i̱nna̱ ddi̱ki̱ryo̱i̱t ci ommog veelek orgene cinna. Dawek miningit cunne nginti ahala zinin cunne. Iróng wo̱ye̱ e̱e̱ti̱ imma ngatinna̱ng a̱ju̱ra̱ki̱ nginti een ilomi.”

Lu̱ge̱z 18:17

O̱bo̱de̱k zin i̱nyi̱k ci Musesi nonno, “Gi̱i̱ ci ogoni i̱nna̱ ko̱ iróng abunna.

Lu̱ge̱z 4:16

Ozozik atin enne ol zoz cunne, ozoz enne ogon ki ci een utug cunne ci ozozi, ogoni i̱nna̱ ki i̱yo̱ko̱ Ta̱mu̱ta̱dde̱n ngatinne.

Lu̱ge̱z 7:1

Iizek zin Manyi Muses ne, “Cinno, kidimani anna i̱nne̱ta̱, u̱tu̱gu̱ i̱nna̱ ki i̱yo̱ko̱ Ta̱mu̱ta̱dde̱n ngati alaan ci Masiro, okko gotonnu Aaron een a̱ri̱to̱i̱t ci zozo ngatunne.

Buk wa To̱ni̱a̱u̱ 8:24

O̱bo̱de̱k Si̱mo̱ne̱ nonno, “Alayeang Manyi annit kar abunna zoz ci a̱du̱wa̱nnu̱ niga ko̱ iróng atin i̱nna̱ka̱n.”

1 Ko̱ri̱nto̱ 14:4

Imma e̱e̱ti̱ ci ozoz utuge ci iróng enne a̱gga̱, eela enne ele cinne do̱; imma e̱e̱ti̱ ci uwahek ol arizet ci zoz ci Ta̱mu̱ta̱dde̱no̱, eela enne ol do̱o̱k ke̱le̱ci̱a̱.

I̱bu̱ru̱ 1:1

Imma da̱ bali reena, go̱o̱lo̱we̱ cik meelek, ozozik Ta̱mu̱ta̱dde̱n ji̱ji̱ti̱gga̱c balik reentik ke̱, zoz wainne go̱o̱le̱ ci i̱tto̱na̱ne̱ a̱ri̱tto̱k cik zoz ci Ta̱mu̱ta̱dde̱no̱ ki̱vi̱ta̱ ku̱du̱kta̱k ol zoz ci a̱du̱wa̱ enne.

I̱bu̱ru̱ 13:4

Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.

1 Jon 5:16

Ming acin e̱e̱ti̱ gooni ci ogon mu̱nye̱n cik wo̱ye̱ iróng anyahak nonno daiz, abunna ming alawek enne nonno Ta̱mu̱ta̱dde̱n kar keela nonno kuruba ruget ci aave udut. Een zoz neci ngati ol wak ogon mu̱nye̱n cik iróng anyaha daiz. Imma mu̱nye̱na̱ cik ogon e̱e̱ti̱ anyaha daiz ko̱, iróng anna kazi ne anyik nonno kala Ta̱mu̱ta̱dde̱n zo̱ze̱ ci mu̱nye̱n cik anyaha daiz ko̱.