Kananet 19:3 - Tennet

³ Ilalek zin Loti nogo oroot abunna ming ovvo ki nonno kar ki̱tto̱zzo̱ ce̱e̱z cinne. Idimanek zin enne nogo da̱i̱ne̱t, aak da̱i̱ne̱t cik iróng amukcari, kar nege kadait.

Kananet 19:3 Iomraidhean Croise

Kananet 19:2

Izek zin enne nogo ne, “Alaat wagannik, i̱vi̱ta̱ arrak ce̱e̱z ci du̱ca̱i̱t cunno̱ng. Abunna ovvo u̱u̱nyyu̱ zo̱o̱ cuggo̱k kar a̱ta̱gu̱z nginati kar zin nge̱rre̱t oot gool cunno̱ng.” O̱bo̱dde̱k zin nege nonno a̱nne̱k ne, “Iróng een niko, kooginna atidic naga buurato ngatu.”

Kananet 21:8

Baling i̱ddi̱ki̱r I̱sa̱ko̱ iróng ngen orokte, idiman zin Aburahami kwo̱o̱r ci a̱ddi̱ki̱re̱ wazin neci.

Kananet 24:31

A̱nne̱k zin nonno ne, “I̱jja̱, i̱nna̱ e̱e̱ti̱ ci u̱mu̱yu̱wi̱ Manyi ko̱. Nya ming abili i̱nna̱ reena ko̱? Kidimana anna nginti oginnu niga ki ci naganaganyau.”

Kananet 26:30

Idimanek zin I̱sa̱ko̱ nogo da̱i̱ne̱t cik meelek, kar kadakto kar bo̱do̱k kuudde.

Lu̱ge̱z 12:15

A̱vvu̱t gwo̱o̱nya̱ turgerem, adait umune ci iróng anyak nyigit cik meertak. Imma i̱i̱te̱ne̱ ci een oo i̱i̱nya̱we̱ ne̱k e̱e̱ggi̱n turgerem ko̱, aarta nyigit cik meertak ce̱e̱zi̱nne̱ cuggo̱k. Ming adak e̱e̱ti̱ imma da̱i̱ne̱t cik amukcari anyak ubula gwo̱o̱nya̱ cik e̱e̱ggi̱n turgerem ko̱, ottoit e̱e̱t neci orgene ci olli Israilo.

Lu̱ge̱z 12:39

A̱lu̱g nege Masire ataman ci iróng adiman da̱i̱ne̱t u̱gge̱, kar zin kupuranit umunet cik iróng adimanai kumukcarit do̱ niko, eci ottok ol nogo Masire, iróng anyak gool ci wo̱ye̱ adimane nege da̱i̱ne̱t cigge̱k.

Lu̱ka̱ 11:8

Ka̱du̱wa̱kku̱ng anna i̱ge̱ta̱, ming iróng enne nu̱nu̱n ingazi kar kanyik nonno umune eci enne een gooni, eci e̱e̱ti̱ neci okkomi zinin okko atin enne ingazi je̱e̱na̱ kar kanyik nonno umunet cik meelek orong enne.

Lu̱ka̱ 14:23

“Izek zin ddi̱ki̱ryo̱i̱ti̱ du̱ca̱i̱t cinne ne, ‘Bit reena go̱o̱lo̱we̱ ki loritwane anyik ol ki̱vi̱ta̱, kar atin ce̱e̱z cinanne kibbit ol.

Lu̱ka̱ 5:29

Idimanek zin Le̱vi̱ Ye̱su̱ da̱i̱ne̱t ce̱e̱ze̱ cinne, kar koole ci a̱ddi̱ki̱re̱ olle wak a̱gga̱ma̱ ol mucuru ki ol u̱gge̱ kadakto ki nogo nga̱to̱de̱.

Kaviyak wak Abunna Ta̱mu̱ta̱dde̱no̱ eher Joni 12:2

U̱tu̱ku̱rtte̱k zin da̱ ciko Marta Ye̱su̱ da̱i̱ne̱t wa ba̱a̱li̱no̱, orong kaanycik nonno zany, kar zin kaanycik nogo, aave da̱ Lazaru to adakce ki Ye̱su̱ nga̱to̱de̱.

1 Ko̱ri̱nto̱ 5:8

I̱yo̱ko̱ zin, ma adakku kwo̱o̱r go̱o̱le̱ ci anyakku marnonet ki mu̱nye̱n ki i̱yo̱ko̱ nyigita cik meertak reentik ko̱, abarik adait kwo̱o̱r go̱o̱le̱ ci abunna een de̱de̱ ci iróng anyak nyigit cik meertak.

2 Ko̱ri̱nto̱ 5:14

Eci rezinet ci Ki̱ri̱sto̱ adangeket zoz cu, ma̱rri̱t naga ka̱gga̱c a̱da̱k e̱e̱ti̱ co̱de̱ zo̱ze̱ ci ollu do̱o̱k, kar ol do̱o̱k ka̱da̱i̱to̱.

I̱bu̱ru̱ 13:2

Abunna ming a̱ti̱ri̱zu̱ ol cik een i̱do̱ngi̱ cik een e̱re̱nno̱k ce̱e̱zi̱nne̱ cuggo̱k ju̱rru̱m, imma abarik go̱o̱le̱ ci ka̱ti̱ri̱ze̱ ol ko̱, i̱ti̱ri̱zze̱t ol uggak anjilonya lo̱mu̱k ngati iróng nege a̱gga̱we̱.