Kananet 19:2 - Tennet

² Izek zin enne nogo ne, “Alaat wagannik, i̱vi̱ta̱ arrak ce̱e̱z ci du̱ca̱i̱t cunno̱ng. Abunna ovvo u̱u̱nyyu̱ zo̱o̱ cuggo̱k kar a̱ta̱gu̱z nginati kar zin nge̱rre̱t oot gool cunno̱ng.” O̱bo̱dde̱k zin nege nonno a̱nne̱k ne, “Iróng een niko, kooginna atidic naga buurato ngatu.”

Kananet 19:2 Iomraidhean Croise

Kananet 18:4

Inya kanyaha maam u̱gge̱ cik uudentak kar ocokte e̱le̱tti̱ kar i̱ye̱be̱zi̱t arrak do̱yo̱i̱t keete cu.

Kananet 19:1

Uzucca anjilonya cik e̱e̱ggi̱n ram orog ci een Sodom yo̱mo̱na̱, imma Loti aave arane ci o̱rgu̱. Baling okko enne acin nogo kar ku̱lu̱le̱ kicin lo̱o̱c.

Kananet 19:3

Ilalek zin Loti nogo oroot abunna ming ovvo ki nonno kar ki̱tto̱zzo̱ ce̱e̱z cinne. Idimanek zin enne nogo da̱i̱ne̱t, aak da̱i̱ne̱t cik iróng amukcari, kar nege kadait.

Kananet 24:31

A̱nne̱k zin nonno ne, “I̱jja̱, i̱nna̱ e̱e̱ti̱ ci u̱mu̱yu̱wi̱ Manyi ko̱. Nya ming abili i̱nna̱ reena ko̱? Kidimana anna nginti oginnu niga ki ci naganaganyau.”

Kananet 43:24

Uwe zin du̱ca̱i̱ti̱ neci nogo ca̱a̱to̱, kar kaanyik nogo maam kutunyet zo̱o̱ cigge̱k kar kaanyik bo̱do̱k arte zi̱gi̱re̱ cigge̱k.

Lu̱ka̱ 7:44

Kar zin enne kutuhuwe kicin ngaa neci kar kizek Si̱mo̱ne̱ ne, “Acinni i̱nna̱ ngaa cu? Ki̱ki̱ya̱ anna rok ce̱e̱z cunne, ngen i̱nna̱ inya annit maam cik kunyene anna zo̱o̱ cigannik, abarik enne uculahan zo̱o̱ cigannik ti̱la̱lo̱i̱ kar ki̱ti̱vi̱l zo̱o̱ cigannik imane ciginnek.

Kaviyak wak Abunna Ta̱mu̱ta̱dde̱no̱ eher Joni 13:5

Bali vu̱rrta̱, u̱ddu̱te̱k zin enne maam u̱gge̱ illac kar zin kutuny nuyak waginnek zo̱o̱, kar zin ku̱vu̱cvu̱ca̱n maam zoone cigge̱k kodoit ru̱u̱me̱ wanai a̱lu̱ce̱k enne barak ke̱.

Buk wa To̱ni̱a̱u̱ 16:15

Baling a̱gga̱mte̱k nege nonno ki ol cik ce̱e̱z cinne do̱o̱k ba̱ti̱ti̱mo̱, utuwet zin enne agita ce̱e̱ze̱ cinne. A̱nne̱kke̱t ne, “Ming aanyang niga annit kize e̱e̱t ci a̱tu̱ Manyi Ye̱su̱, i̱vi̱ta̱ a̱vvu̱t ce̱e̱ze̱ cinanni.” Kelemtta naga zoz cinne, kar ko̱o̱tta̱ i̱ye̱ niko.

I̱bu̱ru̱ 13:2

Abunna ming a̱ti̱ri̱zu̱ ol cik een i̱do̱ngi̱ cik een e̱re̱nno̱k ce̱e̱zi̱nne̱ cuggo̱k ju̱rru̱m, imma abarik go̱o̱le̱ ci ka̱ti̱ri̱ze̱ ol ko̱, i̱ti̱ri̱zze̱t ol uggak anjilonya lo̱mu̱k ngati iróng nege a̱gga̱we̱.