Kananet 19:15 - Tennet

¹⁵ Ma baling ala looci, izettek anjilonya Lot ne, “Ataman! Dima ngaa cunne ki dooli cigunnek nga̱a̱ye̱k rama aavtte ngatu ko̱, icima okko i̱nna̱ aditai ming edeze orogi.”

Kananet 19:15 Iomraidhean Croise

Kananet 19:14

Uk zin Loti u̱du̱wa̱k kawunyya ciginnek, balik owo dooli ciginnek ke̱. A̱nne̱k ne, “Amadantte ngatu ataman, eci Manyi orong atidic ki̱li̱b orog cu.” Ma̱i̱je̱ kawunyya ciginnek azi ne amice i̱yo̱ko̱ enne.

Kananet 19:16

Baling ngen enne a̱gi̱zgi̱zi̱, a̱gga̱mi̱t zin ol ne̱ke̱ a̱zzi̱t cinne ki azzin cik ngaa cinne ki dooli cik nga̱a̱ye̱k e̱e̱ggi̱n rama ko̱, kar kiyoktai nogo labak o̱rge̱ neci, eci Manyi edete ngatinne̱ng.

Kananet 19:17

Baling iyoktai nege nogo orog abanyit, ize e̱e̱ti̱ imma ngatinne̱ng ne, “I̱vi̱re̱t zo̱ze̱ ci ruget cunno̱ng! Ma acinnu vu̱rru̱t, ma abillu ngamani mu̱u̱ra̱! I̱vi̱re̱t oot biyene ta̱dde̱na̱ icima ovvo atin niga aditannu.”

Kananet 19:22

Abarik vi̱r bit nginati ataman, eci iróng atidic anna kogonni gi̱i̱ imma zee zuca i̱nna̱ ngineci.” (Zoz zin ci akanneke ol zar orog neci kize Zoar ko̱ nenen necu.)

2 Ko̱ri̱nto̱ 6:2

Azi Ta̱mu̱ta̱dde̱n ba̱li̱ye̱ Warage cinne ne, “Baling i̱ki̱ya̱ i̱i̱te̱ni̱ ci keelannung, kiziwung de̱de̱, imma i̱i̱te̱ne̱ ci ti̱ri̱ze̱nto̱, keelaung.” Ka̱du̱wa̱kku̱ng, i̱yo̱ko̱ een i̱i̱te̱n ci eelanne Ta̱mu̱ta̱dde̱n ol, een i̱i̱te̱ni̱ necu i̱yo̱ko̱ ci ti̱ri̱ze̱nto̱.

O̱no̱zzo̱k 18:4

Kiziya zin bo̱do̱k anna muluk imma ci a̱kku̱ ta̱mu̱-kenga, azi ne: “Iyokta o̱rge̱ necu, niga ol wagannik, kar atin iróng niga ozolu mu̱nye̱n ciginnek, kar atin iróng niga amudannu zeret imma ngatinne;