Kananet 18:8 - Tennet

⁸ Kar zin kanyahak e̱re̱nno̱k i̱ra̱ cik alibe ki cik caalek ki i̱di̱ng wanai kar zin kanyik ol ne̱ke̱ kadakto. Baling ngen ol ne̱ke̱ adakce, abile enne ojonun keeta vu̱rrta̱.

Kananet 18:8 Iomraidhean Croise

Kananet 18:7

I̱yi̱k bo̱do̱k uk tiine kar zin katahala mo̱o̱le̱t ci adiye kar zin kanyik du̱cca̱k kidimantek ol ne̱ke̱ da̱i̱ne̱t.

Kananet 18:9

I̱jji̱nne̱t zin e̱re̱nno̱wa̱ ne̱ke̱ nonno izettek ne, “I̱nno̱ ngaa waunne Sarah?” O̱bo̱de̱k enne izek ne, “Aave ti̱ta̱.”

Kananet 19:3

Ilalek zin Loti nogo oroot abunna ming ovvo ki nonno kar ki̱tto̱zzo̱ ce̱e̱z cinne. Idimanek zin enne nogo da̱i̱ne̱t, aak da̱i̱ne̱t cik iróng amukcari, kar nege kadait.

Lu̱ka̱ 12:37

Abunna atin ngati du̱cca̱k cik okko ddi̱ki̱ryo̱i̱ti̱ amuda nogo ming acine ebekce ming okko enne a̱kku̱. Ka̱du̱wa̱kku̱ng anna zoz ci een de̱de̱, aimiz atin enne ele cinne kar ki̱li̱ngli̱ng, okko atin enne aanyik nogo kadakto ki nonno nga̱to̱de̱ kar atin enne ki̱ti̱ri̱z nogo.

Lu̱ka̱ 17:8

Iróng wo̱ye̱ enne arrak a̱nne̱k ne, ‘Diman arrak da̱i̱ne̱t cigannik, diman kaal cigunnek ju̱rru̱m kar rewa annit ngen anna kadakce kar kuude; kar vu̱rrta̱ adakce wo̱ye̱ i̱nna̱’?

Lu̱ka̱ 24:30

Baling okko enne aave ki nogo ngati da̱i̱nto̱, idima enne umune, aanyik Ta̱mu̱ta̱dde̱n zany, engera kar kaanyik nogo.

Lu̱ka̱ 24:43

a̱gga̱ma̱ enne kar kadak, kicinnet nege do̱o̱k niko.

Kaviyak wak Abunna Ta̱mu̱ta̱dde̱no̱ eher Joni 12:2

U̱tu̱ku̱rtte̱k zin da̱ ciko Marta Ye̱su̱ da̱i̱ne̱t wa ba̱a̱li̱no̱, orong kaanycik nonno zany, kar zin kaanycik nogo, aave da̱ Lazaru to adakce ki Ye̱su̱ nga̱to̱de̱.

Buk wa To̱ni̱a̱u̱ 10:41

Iróng ol do̱o̱k acin nonno, abarik een bbacak wak atahala Ta̱mu̱ta̱dde̱n ba̱li̱ye̱ la̱du̱n ki agit ol balik kadaktowa kar bo̱do̱k kuudewa ki nonno baling itinga enne daiza ke̱.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.