Kananet 18:19 - Tennet

¹⁹ Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Kananet 18:19 Iomraidhean Croise

Kananet 12:2

“Kokko atin anna kadimani i̱nne̱t ize zu̱we̱ ci a̱ddi̱ki̱re̱ kar atin ku̱mu̱yu̱wi̱n; kanyik atin zar cigunnek ku̱bu̱lte̱, anyahak atin i̱nna̱ ol ma̱yu̱we̱ne̱t.

Kananet 12:3

Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 17:9

Iizek zin bo̱do̱k Ta̱mu̱ta̱dde̱n Aburaham ne, “Imma ngatunne, abunna la̱du̱n i̱nna̱ ming azunne olom cinanni, i̱nne̱t ki dooli cigunnek ki bu̱u̱llo̱k cik atin a̱vvu̱ ke̱.

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 35:2

Izek zin Ya̱ko̱bo̱ ollinne ce̱e̱za̱ ki ol wak aavtte ki nonno bu̱k ko̱ ne, “I̱di̱tta̱ to̱do̱yyo̱k ne̱k i̱do̱ngi̱nnu̱ anyikku kizeto ta̱mu̱ta̱dde̱ne̱t ciggo̱k ko̱, kar idimanit e̱le̱tti̱ cuggo̱k ki̱li̱le̱c kar uburucet ru̱u̱ma̱ni̱ cik een jor.

Ma̱te̱yo̱ 25:17

Uwe bo̱do̱k du̱ca̱i̱ti̱ wa anyak lodet rama cik een dhahab ko̱ lodet ne̱ke̱ uk i̱li̱ngli̱nge̱, bak otorye lodetta cik een dhahab ko̱ kizeto lodet we̱c.

Kaviyak wak Abunna Ta̱mu̱ta̱dde̱no̱ eher Joni 10:14

Azi zin bo̱do̱k Ye̱su̱ ne, “Ke̱e̱ni̱ anna tuwayoit ci kabunna; ka̱gga̱ anna eeza cigannik veelek, ovvo eezena cigannik a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 21:17

I̱jji̱n zin bo̱do̱k Ye̱su̱ Si̱mo̱ne̱ lak i̱i̱yo̱ dee, izek ne, “Si̱mo̱ne̱ ngerrti Joni, ireza i̱ye̱ i̱nna̱ annita?” Omoze Peturu oroot eci i̱jji̱n Ye̱su̱ nonno lak i̱i̱yo̱ ming irez enne nonno. Izek zin enne Ye̱su̱ ne, “Manyi, a̱gga̱ i̱nna̱ kaal do̱o̱k. A̱gga̱ i̱nna̱ ming kirezin.” Izek zin Ye̱su̱ nonno ne, “Tam zin nyoo cigannik ko̱ ju̱rru̱m.

Buk wa To̱ni̱a̱u̱ 27:31

Iizek Pa̱u̱lo̱ ddi̱ki̱ryo̱i̱t ki aciir ciginnek ne, “Ming iróng ol ne̱ko̱ aavtte i̱bo̱wa̱, iróng niga arugnu.”

Evesos 6:4

Imma niga be̱e̱ti̱k doolinnu, ma ogonikku dooli kaal cik anyike nogo kutuburret nong. Abarik demez nogo go̱o̱le̱ ci azikne zoz ci Manyi ju̱rru̱m.

1 Ti̱mo̱te̱yo̱ 3:12

Anyik e̱e̱t ci een kuye a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ki̱ti̱k ngaa co̱de̱ ṯok niko. Kar zin kabal dooli ki orog wainne do̱o̱k ju̱rru̱m.

2 Ti̱mo̱te̱yo̱ 1:5

Ka̱a̱da̱ tu̱we̱ne̱t wanunne okkomi, ki tu̱we̱ne̱t wa ya̱ngtu̱nne̱ Loyiz, ki tu̱we̱ne̱t wa yaatunne Yuniz, ka̱gga̱wa̱ niko aanyi i̱nna̱ bu̱k tu̱we̱ne̱t neci.

2 Ti̱mo̱te̱yo̱ 2:19

Imma ol wak okkomi zo̱ze̱ ci Ta̱mu̱ta̱dde̱no̱ kak, iróng omoti. E̱he̱rye̱ zoz neci azi ne, “A̱gga̱ Manyi ol wak a̱tu̱ nonno.” Kar zin bo̱do̱k kize ne, “Ming orong e̱e̱ti̱ ku̱tu̱ Ye̱su̱, abunna ming uungnek mu̱nye̱n lo̱o̱c.”

2 Ti̱mo̱te̱yo̱ 3:15

A̱gga̱ ri̱t i̱nna̱ Waraga ci Ta̱mu̱ta̱dde̱no̱ baling ngen e̱e̱ni̱ idica. Aanyi zoz cinne genyiz ki ti̱ri̱ze̱ne̱t go̱o̱le̱ ci a̱tu̱we̱ Ye̱su̱ Ki̱ri̱sto̱ kar ruba baiz wa aave udut.