Kananet 18:14 - Tennet

¹⁴ Anyak gi̱i̱ imma ci okkomi kommog Manyi? Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Kananet 18:14 Iomraidhean Croise

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 17:21

Ma̱i̱je̱ olomi cinanni, kadimani atin ki I̱sa̱ko̱, ci okko atin ngaa ci een Sarah a̱rri̱ta̱ki̱ i̱nne̱t ko̱ nye̱lo̱wo̱ cu ele e̱rki̱ta̱.”

Kananet 18:10

Ize zin Manyi ne, “Kobodaki atin lola i̱i̱te̱n cu ele e̱rki̱ta̱, kar atin ngaa cunne Sarah kanyak do̱le̱c ci maci.” I̱yo̱ko̱ zin azikne da̱ enne Sarah ti̱ta̱, bo̱i̱ce̱ ci Aburahami.

Kananet 18:13

Izek zin Manyi Aburaham ne, “Nya ming arari Sarah kar kize ne, ‘Kanyai atin anna de̱de̱ do̱le̱c, i̱yo̱ko̱ ming kanyata ko̱?’

Kananet 18:15

O̱to̱ngo̱o̱le̱ zin da̱ Sarah kar kovolong kize ne, “Ngen anna katararu.” Ma̱i̱je̱ enne Manyi a̱nne̱k nonno ne, “Atararu bai i̱nna̱ ke̱.”

Kananet 21:1

Aanyik zin Manyi Sarah eezet kedete ki bali a̱nne̱k enne ke̱, kar Manyi ku̱tu̱gu̱we̱k Sarah zoz bali u̱du̱wa̱ enne ke̱.

Kananet 21:2

Anyaho zin Sarah kar ki̱ti̱rra̱k Aburaham lo̱gu̱t ci maci ngati anyate, i̱i̱te̱n bali u̱du̱wa̱k Ta̱mu̱ta̱dde̱n nonno ke̱.

Ma̱te̱yo̱ 14:31

Ma̱i̱je̱ ataman niko, i̱tto̱n Ye̱su̱ a̱zzi̱t kar ka̱gga̱m nonno. Kar kizek ne, “I̱nna̱ ci anyai tu̱we̱ne̱t cidici ko̱, a̱ti̱ko̱nu̱ ki zinin nya?”

Ma̱te̱yo̱ 19:26

Egelem zin Ye̱su̱ nogo kar kize ne, “Ming een i̱no̱ni̱nte̱ ci e̱e̱t ci diiri okkomi kaala ne̱ko̱ kak, ma̱i̱je̱ ngati Ta̱mu̱ta̱dde̱no̱ i̱llo̱i̱ gi̱i̱ imma ci ommog nonno.”

Ma̱te̱yo̱ 3:9

Ma a̱nne̱kku̱ zi̱nze̱tti̱ ne, ‘Kanyaka be̱e̱ti̱nna̱ng Aburaham.’ Ka̱du̱wa̱kku̱ng adimanek wo̱ye̱ Ta̱mu̱ta̱dde̱n Aburaham dooli biyene ciko.

Marko 10:27

Egelem zin Ye̱su̱ nogo, kar kize ne, “Okkomi zoz necu kak ngati e̱e̱t ci diiri; imma ngati Ta̱mu̱ta̱dde̱no̱, i̱llo̱i̱ gi̱i̱ imma ci ommog nonno.”

Lu̱ka̱ 1:13

Ma̱i̱je̱ anjilo a̱nne̱k nonno ne, “Ma o̱ngo̱o̱le̱ gi̱i̱ imma, Zakaria; izik Ta̱mu̱ta̱dde̱n lawinet cunne. A̱rri̱ta̱ki̱ atin Elizabethi ngaa cunne i̱nne̱t do̱le̱c ci maci, kar i̱nna̱ katek nonno zar cik een Jon.

Lu̱ka̱ 1:18

I̱jji̱n zin Zakaria anjilo, “Ka̱gga̱ atin anna zoz necu ku̱? Kiize anna ma̱ti̱yo̱c kar ngaa cinanne kanyak e̱rki̱nya̱ cik meelek.”

Lu̱ka̱ 1:37

I̱llo̱i̱ zin gi̱i̱ imma ci ommog Ta̱mu̱ta̱dde̱n.”

Lu̱ka̱ 8:50

Baling izik Ye̱su̱ zoz necu, izek enne Jairus ne, “Ma o̱ngo̱o̱le̱ gi̱i̱ imma; nyak tu̱we̱ne̱t, okko enne abunna.”

Roma 4:21

A̱gga̱ enne anyak Ta̱mu̱ta̱dde̱n komiz kar ku̱tu̱gu̱ kaal balik u̱du̱wa̱ enne ke̱.

Evesos 3:20

Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

I̱bu̱ru̱ 11:19

U̱du̱wa̱ zin Aburahami zinine cinne zoz ci azi ne ming a̱da̱i̱ I̱sa̱ko̱, ingane atin Ta̱mu̱ta̱dde̱n nonno daiza. U̱tu̱gu̱ zin ki ming ingane Ta̱mu̱ta̱dde̱n nonno daiza.