Kananet 18:1 - Tennet

¹ I̱ye̱le̱k Manyi Aburaham ele ngati anyak keen cik a̱ddi̱ki̱re̱ cik Mamre, aave enne ojongzo ki tatug ci ti̱ti̱ cinne koore ci a̱bu̱re̱ wazin kenga.

Kananet 18:1 Iomraidhean Croise

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 13:18

Uduca zin Aburami ti̱ti̱ cinne kar kuk ku̱lu̱k kabak keene cik a̱ddi̱ki̱re̱ lo̱o̱ce̱ ci e̱e̱t ci een zara Mamre ojongzo ki orog ci een Hebron, kar zin enne kidimanek i̱te̱le̱ Manyi.

Kananet 14:13

Ma̱i̱je̱ e̱e̱ti̱ ci da̱ a̱vi̱r alaate ne̱k e̱e̱ggi̱n we̱c ke̱ i̱ki̱ya̱ u̱du̱wa̱k zoz neci Aburam wa een I̱bu̱ru̱ ko̱. Abak da̱ Aburami ngati ojono ki keen cik a̱ddi̱ki̱re̱ cik e̱e̱t ci een Mamre, e̱e̱t ci Amorites een gotoni Eshcol ki Aner, iddong nege do̱o̱k zoz ki Aburam.

Kananet 15:1

Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Kananet 17:22

Baling edeca Ta̱mu̱ta̱dde̱n zoz ki Aburaham, utungek zin nonno lo̱o̱c.

Kananet 18:22

Utuhuye zin ol ne̱ke̱ kar zin koot o̱to̱ne̱ ci Sodomi, imma Aburahami ngen abile ngu̱me̱ ci Manyi.

Kananet 20:1

U̱lu̱g zin Aburahami nginati uk lo̱o̱ce̱ ci een Negev kar kabak orgene ci Kadeshi ki Shur. Kar ka̱vvu̱ o̱rge̱ ci een Gerar arrak do̱yo̱i̱t,

Kananet 26:2

Ozozek zin Manyi I̱sa̱ko̱ o̱no̱zo̱we̱, “Ma aluce okko Masire; bak lo̱o̱ce̱ ci ka̱du̱wa̱ki̱ abunna ming abahe ko̱.

Kananet 35:27

I̱ki̱ya̱k zin Ya̱ko̱bo̱ baatinne I̱sa̱ko̱ o̱rge̱ ci een zara Mamre, ojono ki Kiriath Arba, awu ol bo̱do̱k zare cik een Hebron, ngin bali abahe Aburahami ki I̱sa̱ko̱.

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Lu̱ge̱z 4:1

O̱bo̱de̱k zin Musesi Manyi a̱nne̱k ne, “Ma atidic ming iróng olli Israilo aziknan, icima iróng elemi ming i̱ye̱la̱ Manyi annit ele de̱de̱?”

Buk wa To̱ni̱a̱u̱ 7:2

O̱bo̱de̱k zin Stepheni izek nogo ne, “Gotonogga ki be̱e̱ti̱ga̱ni̱k, izikttang annit ju̱rru̱m! I̱ye̱le̱k Ta̱mu̱ta̱dde̱n bunnat cinne ji̱ji̱ti̱nna̱ Aburaham bali ngen enne aave lo̱o̱ce̱ ci Mesopotamia, ngati ngen kuk o̱rge̱ ci een Haran.

I̱bu̱ru̱ 11:9

Baling okko enne azuca lo̱o̱c neci u̱du̱wa̱ Ta̱mu̱ta̱dde̱n ke̱, abak zin nginati tu̱we̱nta̱. Ogon enne ki e̱e̱ti̱ ci een e̱re̱nno̱i̱t abak ti̱ta̱, aragiz atin dooli cik dooli ciginnek, I̱sa̱ko̱ ki Ya̱ko̱bo̱ lo̱o̱c neci bu̱k.

I̱bu̱ru̱ 13:2

Abunna ming a̱ti̱ri̱zu̱ ol cik een i̱do̱ngi̱ cik een e̱re̱nno̱k ce̱e̱zi̱nne̱ cuggo̱k ju̱rru̱m, imma abarik go̱o̱le̱ ci ka̱ti̱ri̱ze̱ ol ko̱, i̱ti̱ri̱zze̱t ol uggak anjilonya lo̱mu̱k ngati iróng nege a̱gga̱we̱.