Kananet 17:4 - Tennet

⁴ “Eci ngatinanni een necu olom cinanni ki i̱nne̱ta̱: E̱e̱ni̱ atin i̱nna̱ be̱e̱ti̱ i̱do̱ngi̱ cik lo̱o̱cco̱k cik meelek giir.

Kananet 17:4 Iomraidhean Croise

Kananet 12:2

“Kokko atin anna kadimani i̱nne̱t ize zu̱we̱ ci a̱ddi̱ki̱re̱ kar atin ku̱mu̱yu̱wi̱n; kanyik atin zar cigunnek ku̱bu̱lte̱, anyahak atin i̱nna̱ ol ma̱yu̱we̱ne̱t.

Kananet 13:16

Kanyik atin anna dooli cigunnek kotorte kizeto meele giir kiwagon azac, kar zin ming ikeb e̱e̱ti̱ imma azac, ikebje wo̱ye̱ dooli cik dooli cigunnek bu̱k.

Kananet 16:10

Otorek zin bo̱do̱k anjilo ci Manyi ize ne, “Kotori atin dooli cigunnek kizeto meele giir ci iróng kikebi.”

Kananet 22:17

ka̱mu̱yu̱ki̱ zin atin anna i̱nne̱t de̱de̱ kar kanyik dooli cigunnek kizeto meele ku̱tu̱gu̱zzo̱ kiwagon munyunya ta̱mu̱-kenga, kar bo̱do̱k ki i̱yo̱ko̱ azac liil ti̱ti̱ma̱. Aama atin dooli cigunnek o̱ro̱gjo̱k ngati mo̱ddo̱ cigge̱k,

Kananet 25:23

Iizek Manyi nonno ne, “Anyai i̱nna̱ i̱do̱ngi̱ rama kenge cunne, kar ol cik e̱e̱ggi̱n rama kengerto ecito; okkomi atin ol co̱de̱ ngati gotonogginnu, kar okko atin ngerunne wa een a̱bu̱ ko̱ a̱li̱ngli̱nge̱k gotoni wa dici.”

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 32:12

Ma̱i̱je̱ i̱nna̱ ba̱li̱ye̱ a̱nne̱ka̱ ne, ‘Kaanyi atin de̱de̱ nyak kaal cik meelek kar atin dooli cigunnek ki̱ti̱rre̱t ku̱tu̱gu̱zzo̱ kiwagon azac ci li̱i̱lu̱, ci iróng ol uule kikebit.’”

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 48:19

Ma̱i̱je̱ baatinne abure kar kize ne, “Ka̱gga̱ anna, ngeranni, ka̱gga̱ anna. Okko atin enne bu̱k anyak dooli cik meelek, okko atin enne bu̱k een e̱e̱t ci a̱ddi̱ki̱re̱. Okko atin gotoniya wa dici ko̱ a̱ddi̱ki̱rne̱ nonno, ovvo ol ciginnek anyak o̱ro̱gjo̱k cik meelek.”

Lu̱ge̱z 6:4

Kar anna bo̱do̱k kidiman olom ki nogo kar kanyik nogo lo̱o̱c ci Kanaani, bali abahe nege kizeto i̱do̱ngi̱.