Kananet 17:23 - Tennet

²³ Imma wazin neci ele, uwe zin Aburahami ngerinne Ismail ki ol wak macik do̱o̱k ce̱e̱ze̱ cinne ki dooli wak a̱rri̱ta̱i̱ ce̱e̱ze̱ cinne ki wak a̱gga̱mnya̱i̱ ki du̱cca̱k ki wak uutai o̱ro̱bi̱ya̱i̱, kar zin ketted nogo wucic vi̱ca̱vi̱cce̱t ki bali ming a̱du̱wa̱k Ta̱mu̱ta̱dde̱n nonno ke̱.

Kananet 17:23 Iomraidhean Croise

Kananet 14:14

Baling izik Aburami ming a̱gga̱me̱ booriti cinne, uluta ol wak edemezit illa e̱e̱ggi̱n obet i̱i̱yo̱ ki omoto ki tu̱rge̱ (318) ol balik a̱rri̱ta̱i̱ ce̱e̱ze̱ cinne ke̱, kar zin kunu zo̱o̱ cik ol ne̱k a̱gga̱m boorit cinne ke̱ zee rok nginti een Dan.

Kananet 17:9

Iizek zin bo̱do̱k Ta̱mu̱ta̱dde̱n Aburaham ne, “Imma ngatunne, abunna la̱du̱n i̱nna̱ ming azunne olom cinanni, i̱nne̱t ki dooli cigunnek ki bu̱u̱llo̱k cik atin a̱vvu̱ ke̱.

Kananet 18:19

Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Kananet 34:24

Elemtta ol cik macik do̱o̱k balik ovvo arane ci o̱rgu̱ ko̱ zoz ci Hamori ki ngerinne Shechem, kar zin logoz cik macik do̱o̱k orgato kettedit vi̱ca̱vi̱cce̱t.

Buk wa To̱ni̱a̱u̱ 16:3

Orong zin Pa̱u̱lo̱ Ti̱mo̱te̱yo̱ korkorrit ki nogo kar zin ketted nonno vi̱ca̱vi̱ca̱ zo̱ze̱ wa a̱du̱wa̱ keer ci Ya̱u̱do̱, eci ol do̱o̱k a̱gga̱ een baatinne e̱e̱t ci een Gi̱ri̱k.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Ga̱la̱ti̱a̱ 6:15

Icu zoz imma, ming etted e̱e̱ti̱ wucic vi̱ca̱vi̱ca̱ icima iróng ettedi, iróng ogon gi̱i̱ imma. Abarik zoz ci riili do̱o̱k icu, abunna ming anyak e̱e̱ti̱ baiz ci cuulai.