Kananet 17:21 - Tennet

²¹ Ma̱i̱je̱ olomi cinanni, kadimani atin ki I̱sa̱ko̱, ci okko atin ngaa ci een Sarah a̱rri̱ta̱ki̱ i̱nne̱t ko̱ nye̱lo̱wo̱ cu ele e̱rki̱ta̱.”

Kananet 17:21 Iomraidhean Croise

Kananet 17:19

Ize zin Ta̱mu̱ta̱dde̱n ne, “I̱i̱ny, abarik atin ngaa cunne Sarah a̱rri̱ta̱ do̱le̱c ci maci, kar atin i̱nna̱ katek zar cik een I̱sa̱ko̱. Kazunne atin anna olom cinanni ki nonno kize olom ci aave udut ki dooli cik dooli ciginnek ming i̱zzi̱ enne to.

Kananet 18:10

Ize zin Manyi ne, “Kobodaki atin lola i̱i̱te̱n cu ele e̱rki̱ta̱, kar atin ngaa cunne Sarah kanyak do̱le̱c ci maci.” I̱yo̱ko̱ zin azikne da̱ enne Sarah ti̱ta̱, bo̱i̱ce̱ ci Aburahami.

Kananet 18:14

Anyak gi̱i̱ imma ci okkomi kommog Manyi? Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Kananet 21:1

Aanyik zin Manyi Sarah eezet kedete ki bali a̱nne̱k enne ke̱, kar Manyi ku̱tu̱gu̱we̱k Sarah zoz bali u̱du̱wa̱ enne ke̱.

Kananet 46:1

Uwe zin Israili i̱jjo̱ balik anyak enne ke̱ do̱o̱k, kar baling okko enne arawa Beersheba, apahek zin wawa Ta̱mu̱ta̱dde̱n ci baatinne I̱sa̱ko̱.

Kananet 48:15

U̱mu̱yu̱k zin enne Yosevo kar kize ne, “Anyik bai Ta̱mu̱ta̱dde̱n ci be̱e̱ti̱ga̱ni̱k Aburaham ki I̱sa̱ko̱ bali owo ki nonno ke̱, Ta̱mu̱ta̱dde̱n wa een bali tuwayoit cinanni i̱i̱nya̱ do̱o̱k baize cinanni rok i̱i̱te̱n cu,

Lu̱ge̱z 2:24

Izik zin Ta̱mu̱ta̱dde̱n u̱lu̱wa̱ cinne̱ng kar ka̱a̱da̱ olom cinne ki Aburaham, ki I̱sa̱ko̱ ki Ya̱ko̱bo̱.

Lu̱ge̱z 3:6

Kar zin enne kize ne, “Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.” Imma zin zo̱ze̱ necu, u̱lu̱gu̱ny Musesi ngu̱m cinne, eci enne o̱ngo̱o̱le̱ kar kicin Ta̱mu̱ta̱dde̱n.

Lu̱ka̱ 1:55

ngati Aburahami ki tatug cinne udut, ki baling u̱du̱wa̱k enne be̱e̱ti̱gga̱c.”

Lu̱ka̱ 1:72

ki̱ye̱le̱k deten be̱e̱ti̱gga̱c kar ka̱a̱dda̱ olom cinne a̱li̱le̱,

Buk wa To̱ni̱a̱u̱ 1:7

Iizek zin enne nogo ne, “Iróng een zoz cunno̱ng kar a̱gga̱c i̱i̱nya̱ icima i̱i̱te̱n ci arike Baba komize cinne.

Roma 9:9

A̱gga̱c zoz ci u̱du̱wa̱k Ta̱mu̱ta̱dde̱n Aburaham, icu, “Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

I̱bu̱ru̱ 11:9

Baling okko enne azuca lo̱o̱c neci u̱du̱wa̱ Ta̱mu̱ta̱dde̱n ke̱, abak zin nginati tu̱we̱nta̱. Ogon enne ki e̱e̱ti̱ ci een e̱re̱nno̱i̱t abak ti̱ta̱, aragiz atin dooli cik dooli ciginnek, I̱sa̱ko̱ ki Ya̱ko̱bo̱ lo̱o̱c neci bu̱k.