Kananet 17:16 - Tennet

¹⁶ Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 17:16 Iomraidhean Croise

Kananet 1:28

U̱mu̱yu̱k Ta̱mu̱ta̱dde̱n nogo kar kizek ne, “I̱ti̱rre̱t ibbizitanit lo̱o̱c do̱o̱k, abalit kaal cik abak nyatapare ci a̱ddi̱ki̱re̱ ki iballi ki elegje cik abak lo̱o̱ta̱ do̱o̱k.”

Kananet 12:2

“Kokko atin anna kadimani i̱nne̱t ize zu̱we̱ ci a̱ddi̱ki̱re̱ kar atin ku̱mu̱yu̱wi̱n; kanyik atin zar cigunnek ku̱bu̱lte̱, anyahak atin i̱nna̱ ol ma̱yu̱we̱ne̱t.

Kananet 15:4

I̱ki̱ya̱k zin zoz ci Manyi nonno: “Iróng atin e̱e̱ti̱ neci aragiz ce̱e̱z cunne, abarik iyowa atin do̱le̱c ci maci eliye cunne kar atin karagiz ce̱e̱z cunne.”

Kananet 17:15

Iizek bo̱do̱k Ta̱mu̱ta̱dde̱n Aburaham ne, “Eci zo̱ze̱ ci ngaa cunne Sarai, ma ngen bo̱do̱k awu nonno kize Sarai; anyik zar ciginnek kize Sarah.

Kananet 17:19

Ize zin Ta̱mu̱ta̱dde̱n ne, “I̱i̱ny, abarik atin ngaa cunne Sarah a̱rri̱ta̱ do̱le̱c ci maci, kar atin i̱nna̱ katek zar cik een I̱sa̱ko̱. Kazunne atin anna olom cinanni ki nonno kize olom ci aave udut ki dooli cik dooli ciginnek ming i̱zzi̱ enne to.

Kananet 17:6

Kaanyi atin i̱nne̱t ti̱i̱r mog taurak; kadimani atin anna i̱do̱ngi̱ doolinne cigunnek, a̱vvu̱ atin alaata bu̱k ngatunne.

Kananet 21:1

Aanyik zin Manyi Sarah eezet kedete ki bali a̱nne̱k enne ke̱, kar Manyi ku̱tu̱gu̱we̱k Sarah zoz bali u̱du̱wa̱ enne ke̱.

Kananet 24:60

Kar ku̱mu̱yu̱we̱t Rebekah kar kizettek ne, “Ngoonet, anyik ce̱e̱z cunne kotore kizeto i̱bbo̱nge̱t ki i̱bbo̱nge̱t; anyik bai dooli cigunnek kaamta tatuget cik mo̱ddo̱ cigge̱k.”

Kananet 25:23

Iizek Manyi nonno ne, “Anyai i̱nna̱ i̱do̱ngi̱ rama kenge cunne, kar ol cik e̱e̱ggi̱n rama kengerto ecito; okkomi atin ol co̱de̱ ngati gotonogginnu, kar okko atin ngerunne wa een a̱bu̱ ko̱ a̱li̱ngli̱nge̱k gotoni wa dici.”

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 36:31

E̱e̱ggi̱n ne̱ko̱ alaat balik abal lo̱o̱c ci een Edom baling ngen alaani imma ci Israilo kabal lo̱o̱c neci, zar cigge̱k iciko:

Roma 9:9

A̱gga̱c zoz ci u̱du̱wa̱k Ta̱mu̱ta̱dde̱n Aburaham, icu, “Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Ga̱la̱ti̱a̱ 4:23

A̱rri̱ta̱i̱ ngerrti du̱ca̱kto̱ ko̱ go̱o̱le̱ ci orong e̱e̱ti̱ ci diiri, okko ngerrti ngaa ci ce̱e̱zu̱ ko̱, a̱rri̱ta̱i̱ go̱o̱le̱ ci u̱du̱wa̱ Ta̱mu̱ta̱dde̱n.

1 Peturu 3:6

Ki bali Sarah ming elemi zoz ci Aburahami anyike nonno kize e̱e̱t cinne a̱ddi̱ki̱re̱. Ovvo zin atin niga e̱e̱ggi̱nnu̱ dooli ciginnek wak een de̱de̱ ming ogonnu niga kaal cik abunna iróng o̱ngo̱o̱li̱nnu̱ gi̱i̱ imma.