Kananet 17:10 - Tennet

¹⁰ Een necu olom cinanni ki i̱nne̱t ki dooli cik atin a̱rri̱ta̱ i̱nna̱ do̱o̱k, olom ci azunne i̱nna̱ icu: Anyik dooli cik macik orgene cunno̱ng kettedit wucic vi̱ca̱vi̱cce̱t.

Kananet 17:10 Iomraidhean Croise

Kananet 17:11

Abunna ming etteddu wucic vi̱ca̱vi̱cce̱t kar kize baayenit ci olom cinanni ki i̱ge̱ta̱.

Kananet 17:23

Imma wazin neci ele, uwe zin Aburahami ngerinne Ismail ki ol wak macik do̱o̱k ce̱e̱ze̱ cinne ki dooli wak a̱rri̱ta̱i̱ ce̱e̱ze̱ cinne ki wak a̱gga̱mnya̱i̱ ki du̱cca̱k ki wak uutai o̱ro̱bi̱ya̱i̱, kar zin ketted nogo wucic vi̱ca̱vi̱cce̱t ki bali ming a̱du̱wa̱k Ta̱mu̱ta̱dde̱n nonno ke̱.

Kananet 17:27

Ovvo ol cik macik ce̱e̱ze̱ ci Aburahami do̱o̱k, ki dooli wak a̱rri̱ta̱i̱ ce̱e̱ze̱ cinne ki wak uutai o̱ro̱bi̱ya̱i̱ i̱do̱ngi̱ne̱, ettede nogo wucic vi̱ca̱vi̱cce̱t do̱o̱k.

Kananet 21:4

Baling izeto i̱i̱nya̱ cik I̱sa̱ko̱ tu̱rge̱, etteda zin Aburahami vi̱ca̱vi̱ca̱ cinne, ki bali ming u̱du̱wa̱k Ta̱mu̱ta̱dde̱n nonno ke̱.

Kananet 34:15

Kelemnyya atin naga rucenet necu ming u̱tu̱gu̱zzu̱ niga zoz co̱de̱ ṯok: u̱tu̱gu̱z ki i̱yo̱ko̱ naga ko̱ ngati ettedu vi̱ca̱vi̱cce̱t cik logoz cigunnek veelek.

Kananet 34:22

Abarik atin ol ne̱ke̱ elemi a̱vvu̱ze̱t ki agit zo̱ze̱ co̱de̱, anyik ol cigga̱c macik do̱o̱k kettedit vi̱ca̱vi̱cce̱t ki i̱yo̱ko̱ nege ko̱.

Lu̱ge̱z 12:48

“Ming anyak e̱e̱t imma ci iróng een Israiloc kar orong kadak I̱i̱te̱n wa Va̱rda̱ngi̱nto̱ Manyi ki i̱ge̱ta̱, anyik logoz cik macik ce̱e̱ze̱ cinne do̱o̱k kettedit vi̱ca̱vi̱cce̱t, kar enne bu̱k ki olli ce̱e̱z cinne kadait kwo̱o̱r necu labak ki e̱e̱ti̱ ci a̱rri̱ta̱i̱ lo̱o̱ce̱ ci Israilo. Ma anyikku e̱e̱t ci ngen ketted vi̱ca̱vi̱ca̱ da̱i̱ne̱t cik Kwo̱o̱r necu udut.

Lu̱ge̱z 4:25

Idima zin ngaa cinne Zipporah abaz ci lehedi kar ketteda bi̱ye̱ eliye ci ngerinne kar ku̱u̱m zo̱o̱ cik Musesi. Ize zin Zipporah ne, “De̱de̱, e̱e̱ni̱ i̱nna̱ mac cinanni bi̱ye̱tu̱.”

Kaviyak wak Abunna Ta̱mu̱ta̱dde̱no̱ eher Joni 7:22

U̱du̱wa̱u̱ng Musesi zoz ci etteddu wucic vi̱ca̱vi̱ca̱, (a̱kku̱ keeri necu ngato be̱e̱ti̱ggo̱k), etteddu zin dooli vi̱ca̱vi̱cce̱t I̱i̱te̱ne̱ wa Yu̱bze̱nto̱ nya?

Buk wa To̱ni̱a̱u̱ 7:8

Aanyik zin enne Aburaham olom ci ettede vi̱ca̱vi̱ca̱. I̱ti̱rra̱ zin Aburahami ngerinne I̱sa̱ko̱, baling izeto i̱i̱nya̱ ciginnek tu̱rge̱, etted zin vi̱ca̱vi̱ca̱. Ize I̱sa̱ko̱ be̱e̱ti̱ Ya̱ko̱bo̱, okko Ya̱ko̱bo̱ een be̱e̱ti̱ tatuget wak e̱e̱ggi̱n omoto ki rama ko̱.

Roma 2:28

Ki i̱yo̱ko̱ ming abak e̱e̱ti̱ ki olli Ya̱u̱do̱ kar etteddit vi̱ca̱vi̱cce̱t ko̱, iróng zoz necu aanyik nonno kize Ya̱u̱do̱c de̱de̱.

Roma 3:25

I̱tto̱na̱ Ta̱mu̱ta̱dde̱n Ye̱su̱ Ki̱ri̱sto̱ kar kize ci a̱vi̱la̱ ol mu̱nye̱n bi̱ye̱te̱ ciginnek, ming a̱tu̱ nege nonno. I̱ye̱la̱ zoz neci ming abunna Ta̱mu̱ta̱dde̱n, eci alali nonno zinin mu̱nye̱ne̱ cik ollu ba̱li̱ye̱, ngen zin kedez ol.

Roma 3:28

Ka̱gga̱c naga elemi Ta̱mu̱ta̱dde̱n ol eci nege anyak tu̱we̱ne̱t, iróng een go̱o̱le̱ ci o̱ngo̱o̱li̱nne̱ nege lo̱ti̱nno̱k.

Roma 3:30

O̱de̱ Ta̱mu̱ta̱dde̱n ṯok, elemi enne Ya̱u̱d wak etted vi̱ca̱vi̱cce̱t tu̱we̱nta̱, elemi bo̱do̱k ol wak iróng etted vi̱ca̱vi̱cce̱t tu̱we̱nta̱.

Ga̱la̱ti̱a̱ 3:28

Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱.

Ga̱la̱ti̱a̱ 6:12

Anyak ol cik orong kubunnta ngu̱me̱ ci ollu ommogkkung zo̱ze̱ ci ettede ol vi̱ca̱vi̱cce̱t. Ogon nege zoz neci niko gerza ming a̱gi̱d ol nogo zo̱ze̱ ci edemeze nege ol zoz ci azi ne, amuda ol ti̱ri̱ze̱ne̱t ngati a̱da̱kne̱ Ye̱su̱ Ki̱ri̱sto̱ ta̱la̱ke̱ca̱ do̱ niko.

Evesos 2:11

Abunna zin ming a̱a̱da̱nnu̱ iróng niga e̱e̱ggi̱nnu̱ olli Ya̱u̱do̱. Awuyung ba̱li̱ye̱ ol wak etted wucic vi̱ca̱vi̱cce̱t ko̱ izet ol cik iróng etted wucic vi̱ca̱vi̱cce̱t.

Vilipia 3:3

Eci naga ol wak kanyak te̱di̱ne̱t wa een de̱de̱ kettede mu̱nye̱n zi̱nze̱tti̱nne̱ cigga̱c, cik kinnat Vongize ci Ta̱mu̱ta̱dde̱no̱, ki di̱ngdi̱nga̱ni̱ne̱t Ye̱su̱ Ki̱ri̱sto̱, iróng naga karikka zi̱nze̱tti̱ e̱le̱tti̱ cigga̱k,